Presentación do libro “O Peregrino”

O próximo día 22 de abril, ás 18:00 horas, terá lugar na Libraría Couceiro (Santiago de Compostela) a presetación da obra O PEREGRINO do escritor Luís Ferreira.

O Peregrino

O Camiño de Santiago tornouse un itinerario espiritual e cultural de primeira orde, percorrido todos os anos por miles de persoas que aflúen a Santiago de Compostela desde o século IX. Ao longo do camiño a experiencia tórnase unha reflexión que convida á procura de si mesmo.

Diego Filipe, un prestixioso executivo dunha empresa consultora financeira, un home que o posúe todo, embárcase nesta viaxe para redescubrir a súa natureza e acaba por atopar o seu maior medo. O Peregrino relata a transformación do viaxeiro excepcional, retratado na viaxe desde León ata Santiago de Compostela.

Sobre o autor, Luís Ferreira

Nacido en 1970 en Barreiro, mudouse para Alcochete, onde reside actualmente. Comezou a súa carreira literaria con poesía, publicando diversas obras. É autor do libro Entre o silêncio das pedras, novela coa que conquistou os lectores e que se converteu nun dos libros máis lidos sobre o Camiño Portugués de Santiago.

Deixa unha resposta

O teu enderezo electrónico non se publicará Os campos obrigatorios están marcados con *