A exposición itinerante ‘Via Iacobitana’ chega á provincia de Córdoba

O Museo Etnolóxico do municipio de Hinojosa del Duque, en Córdoba, acolle a exposición fotográfica sobre o Camiño de Santiago, ‘Via Iacobitana’, ata o vindeiro 17 de outubro.

Trátase dunha colección de fotografías sobre o Camiño de Santiago realizadas por fotógrafos galegos que se converteron en peregrinos para plasmar a súa visión particular e as sensacións que lles suxire a Ruta Xacobea.

A través das imaxes que se expoñen contémplanse diversos itinerarios en diferentes épocas do ano, as súas variadas paisaxes, os romeiros, os veciños e o patrimonio cultural que atesouran dende a óptica persoal do autor, que lle imprime personalidade.

A exposición está aberta ao público os martes de 17:00 a 20:00 horas; os mércores, xoves e venres de 12:00 a 14:00 horas e de 17:00 20:00 horas; e os fins de semana e festivos de 11:00 a 14:00 horas.

+info

Leave a Reply

Your email address will not be published. Required fields are marked *