Esta nova convocatoria do Premio de Ensaio conta coa colaboración da Consellería de Cultura, Educación, Formación Profesional e Universidades, a través da Secretaría Xeral de Política Lingüística e da Dirección Xeral de Cultura, e co patrocinio da empresa Aluminios Cortizo. O autor ou autora da obra gañadora recibirá un premio económico de 3.000 euros e, ademais, verá a súa obra publicada tanto en galego como en castelán pola Editorial Galaxia.

O prazo para o envío dos orixinais estará aberto ata o 1 de outubro deste ano, tal como se recolle nas bases que xa se poden consultar na páxina web da Academia Xacobea (www.academiaxacobea.gal). A convocatoria establece tamén que as obras aspirantes deberán ser orixinais e inéditas. Tampouco poderán ter sido premiadas noutros certames nin presentadas como como traballos científicos ou académicos diante de institucións públicas ou privadas. Poderán presentarse en galego ou castelán e a súa lonxitude deberá estar entre 100 e 200 páxinas.

Cinco personalidades do mundo académico e da cultura integrarán o xurado do certame. A súa composición será comunicada a través da web da Academia e a súa decisión farase publica a finais do mes de novembro. O acto de entrega do galardón celebrarase a mediados do mes de decembro.

O autor galardoado na primeira edición do Premio de Ensaio Camiño de Santiago foi o compostelán Jesús Curros Neira por Escenas, imaxes e sons do Camiño, unha obra na que realizou un repaso ao fenómeno xacobeo como fonte de inspiración de diferentes manifestacións artísticas ao longo da historia.

O libro relata unha serie de acontecementos ao longo do Camiño Francés ao fío da visita do Papa Bieito XVI a Santiago de Compostela no ano 2010. Sen apartarse do modelo de novela de intriga, o autor reflexiona sobre o fenómeno Xacobeo, a subsistencia da relixiosidade nunha sociedade secularizada e as expectativas políticas que se crean ao redor deste tipo de eventos.

A novela non pretende ser unha referencia ortodoxa sobre o fenómeno Xacobeo, senón unha visión pouco convencional do Camiño dentro da corrente literaria histórico-relixiosa imperante fai un par de lustros. Deste xeito, o argumento traslada ao lector a lugares significados do itinerario Francés na procura de probas e pistas que axuden a despexar incertezas e ameazas na visita do pontífice.

Un total de 7 obras enviadas desde distintos puntos de España concorreron a este certame co que a entidade con sede en Santiago afonda no seu afán de dar presenza ao Camiño e ao fenómeno xacobeo no eido da literatura.

Tras examinar e valorar todas as obras, o xurado acordou por unanimidade conceder o galardón a Escenas, Imágenes y Sonidos del Camino, o orixinal presentado polo funcionario da administración local compostelá Jesús Curros Neira.

O xurado valorou a súa “posta en valor da visión e do aproveitamento de todo o relacionado co tema Xacobeo desde distintos ángulos culturais”, nun texto “elegantemente escrito, de fácil e amena lectura que, sen dúbida, captará a atención do lector desde as primeiras páxinas. A arquitectura, a literatura, non só a galega e española, senón toda a literatura universal, pasando pola música, tanto sagrada como profana, o cine, e xéneros como o tebeo, o cómic ou a banda deseñada danse cita nesta magnífica obra de ensaio”.

Para Curros Neira, licenciado en Dereito pola USC, este non é o seu primeiro galardón na literatura. Con anterioridade xa fora premiado noutros certames como o Vieiragrino (2017), en Valencia, polo relato La leyenda del diablo que viajaba en autobús. Nese mesmo ano recibe pola súa novela curta La Isla de hierro, o premio Santoña… la mar. Outros tres relatos seus, Desde un autobús, A las dos en punto de la tarde e Carretera a ninguna parte, resultaron premiados no ano 2018 no XIII Concurso de Relatos de Viaxe da editorial Moleskin.

En 2019 gaña o 10º Premio Internacional de Novela Alcorcón Siglo XXI con Hubo un tiempo mágico y distante. Tamén ten publicado outros ensaios como Compostela, mil años de literatura ou La evolución urbana de Santiago.

No xurado estiveron o presidente da Academia Xacobea, Xesús Palmou; o decano de Filosofía, Marcelino Agís; Josefa Sanz, catedrática de Ciencias y Técnicas Historiográficas da Universidade de Oviedo; Francisco Castro, director de Galaxia, e o académico Ulises Bértolo.

Fonte e fotografía: El Correo Gallego

Poderán concorrer ao certame todas as persoas autoras que presenten un único poemario de 450 a 550 versos e cuxo tema de fondo sexa “A vida como camiño”. Os textos deberán manter unha vinculación explícita co Camiño de Santiago.

Haberá un único premio consistente en 1.500 €, diploma acreditativo e publicación da obra.

O prazo de admisión de solicitudes ábrese o 22 de maio de 2019 e péchase o 24 de agosto do mesmo ano.

BASES

Narrativa centrada no Camiño de Santiago

O Camiño de Santiago deberá ser o tema referencial das novelas, relatos ou conxuntos de relatos que se presenten a este premio. A histórica vía deberá estar presente de maneira notoria na narración, na súa vertente física, histórica, cultural, social ou imaxinaria.

Ao certame poderán concorrer ata o vindeiro 30 de outubro orixinais en galego e castelán non premiados previamente e que teñan unha extensión mínima de 200 páxinas. A obra gañadora recibirá 6.000 euros e a publicación pola Editorial Galaxia, tanto en galego (no selo Galaxia), coma e castelán (no selo Mar Maior). Haberá tamén un accésit sen dotación económica para a mellor obra literaria redactada no idioma que non obteña o primeiro premio.

A decisión do xurado darase a coñecer nun acto público no Hostal dos Reis Católicos en decembro de 2018.