O primeiro albergue público da cidade de Ferrol, que comezará a funcionar en xullo, está ubicado na antiga hospedería da Casa do Mar. Rueda resaltou que vai ser o albergue con maior capacidade de todo o Camiño Inglés -ao dispoñer de 60 prazas- e contará cunhas instalacións que garantan a accesibilidade e a eficiencia enerxética.

Coa apertura deste albergue, a rede pública galega contará con 76 centros de acollida aos peregrinos, dos que sete se atopan no Camiño Inglés. Rueda resaltou a importancia do Camiño de Santiago non conxunto do turismo da comunidade.

A pandemia da Covid-19 ocasionou ao longo de 2020 un forte impacto negativo no movemento de persoas a nivel mundial, co consecuente estrago para o turismo e as peregrinacións.

O Camiño de Santiago viu tamén cómo se reducía o número de peregrinos que transitaron polos itinerarios xacobeos de Europa, en xeral, e de Galicia en particular.

Entre as medidas que tomou a Xunta de Galicia para asegurar a saúde dos peregrinos hai que resaltar as que afectan á rede pública de albergues de peregrinos. Dos 70 albergues só abriron 35, cun terzo da súa capacidade, para asegurar a distancia de seguridade dos usuarios. Do mesmo xeito, os albergues privados abriron ao 50% da súa capacidade, e moitos deles pecharon o servizo de cociña, para evitar contaxios.

Como resultado desta xestión, o Camiño de Santiago en Galicia, nas súas diversas rutas, quedou libre de coronavirus, aínda que os peregrinos chegados no pasado verán -sobre todo os estranxeiros- foron moitos menos que os que viñeron nos mesmos meses de anos anteriores.

Ante o reto de ofrecer aos peregrinos unha Galicia xacobea segura e saudable, farase un webinar dirixido á rede mundial de Asociacións de Amigos do Camiño de Santiago, fundacións e cofradías xacobeas e das comunidades galegas no exterior. Celebrarase o sábado 20 de marzo de 2021, de 12 h a 14 h, en formato táboa redonda, na que se explicarán os protocolos que se siguen para a seguridade dos peregrinos no Camiño, lembrando tamén as medidas de seguridade persoal e social que deben adoptar os peregrinos, e que, ao tempo, poda servir de presentación da programación do Xacobeo 2021.

Inscrición: https://zoom.us/webinar/register/WN_pYbl9ycDRAW0ayDbZxO0CA

O sistema facilitará as reservas desde o día anterior ata as 13,00 horas do día de pernoita, o que convivirá coa posibilidade de obter praza ao chegar ao establecemento sempre que este dispoña de capacidade, facendo así compatible este sistema co espírito máis tradicional de acollida xacobea. Ademais, a través desta plataforma é posible realizar reservas para grupos de ata cinco persoas. Non é preciso rexistrarse, aínda que esta aberta esta opción para axilizar o proceso.

Para reservar a súa praza, os usuarios deben completar o seu nome, correo electrónico, data da reserva e, de xeito opcional, un teléfono de contacto. Trátase dunha iniciativa posta en marcha pola Xunta enmarcada no programa Camiño Seguro para facilitar a peregrinación na etapa poscovid-19 cunha maior certeza e seguridade.

Na actualidade o Mosteiro de Oseira conta cunha nave destinada a acoller a grupos. Trátase dun espazo con problemas importantes de humidade e accesibilidade que non ten posibilidade de ventilación e iluminación natural. Para mellorar as condicións e ofrecer unha maior capacidade, o proxecto propón reconverter unha das naves abandonadas para crear un albergue de peregrinos recuperando un espazo con importante valor patrimonial.

Concretamente, as actuacións contemplan a renovación das instalacións mantendo o uso de albergar grupos e dotándoas de instalacións sanitarias accesibles e adecuadas. Ademais, rehabilitarase un dos alpendres, ampliando o seu espazo, para crear o novo albergue de peregrinos. Trátase dunha construción que permitirá poñer en valor unha edificación en desuso e que contará con dormitorios, aseos e espazos comúns.

Ao remate deste proceso, o Mosteiro de Oseira contará con dúas dependencias destinadas a peregrinos plenamente integradas e conectadas por unha cuberta horizontal ofrecendo unha sensación de calma e intimidade aos visitantes nun espazo histórico próximo ao trazado xacobeo. Ademais, a proposta da Xunta reserva a idea de converter nun futuro o antigo colexio nun centro de recepción dos visitantes que acoden ao conxunto monacal.

O VII Congreso da Fundación Acogida Cristina en los Caminos de Santiago celebrarase en novembro os días 7, 8 e 9. O encontro leva por título «El camiñou con eles. Os mozos e o Camiño de Santiago» centrando o contido dos relatorios e mesas redondas na pastoral con mozas nas peregrinacións xacobeas.

7, 8 e 9 de novembro de 2019

Santiago de Compostela

Organiza: Fundación Acogida Cristina en los Caminos de Santiago

PROGRAMA

O aloxamento sitúase nun edificio próximo ao templo de Santa María da Azogue, en plena zona antiga da localidade coruñesa. A contorna do albergue, coa mencionada igrexa e o convento de San Francisco, constitúe un conxunto monumental de gran beleza que dá aos peregrinos a ocasión de mergullarse na historia da nobiliaria cidade dos Cabaleiros.

O albergue, cuxo nome completo é “Albergue Santa María da Azogue – ACC” dispón de 16 prazas e os servizos de cociña, lavandería, baños adaptados e ascensor.

MÁIS INFORMACIÓN

Fonte e imaxe: Fundación Acogida Cristiana en el Camino

O Camiño de Santiago é un fenómeno de peregrinación que dende hai séculos e ata o día de hoxe acolle a peregrinos de diversas nacionalidades que procuran a tumba do apóstolo Santiago na Catedral compostelá.
Na actualidade numerosas entidades promoven o exercicio da hospitalidade tradicional, entendida como un servizo voluntario e desinteresado, sen ánimo de lucro, para acollida fraternal aos peregrinos xacobeos en numerosos albergues espallados por todos os camiños xacobeos. Moitos destes albergues están atendidos por hospitaleiros voluntarios.

As presentes bases para a selección de hospitaleiros voluntarios na rede publica galega de albergues de peregrinos teñen por finalidade a mellora da atención e da acollida aos peregrinos que percorren o Camiño de Santiago en Galicia, moi especialmente aos peregrinos estranxeiros, que son xa maioritarios no conxunto das rutas xacobeas.

As bases establecen os requisitos e destinatarios dos procesos que deben permitir que unha parte dos albergues da rede pública poda contar coa presenza de hospitaleiros voluntarios que colaboren na acollida e hospitalidade aos peregrinos. As Asociacións de Amigos do Camiño de Santiago xogan neste senso un papel fundamental, dado que son propoñentes dos hospitaleiros. Estes deben acreditar que teñen recibido formación especifica por parte da súa asociación como hospitaleiro voluntario e que desenvolverán a súa actividade, voluntaria e non remunerada, nun dos albergues de peregrinos da rede publica galega de albergues de peregrinos por un período máximo de quince días, adaptándose as normas de funcionamento do albergue que seguirá contando co correspondente albergueiro.

BASES

Foi un traballo que permitiu retomar o aspecto orixinal desta sala, que servía para o descanso dos enfermos do asilo. Despois o espazo dividiuse para utilizarse como cociña e lavandería, e con iso perdeuse o esplendor desta sala con bóvedas de ladrillos, que agora recupera o arquitecto Carlos Rosón.

Agora é un espazo amplo e diáfano, con saída aos xardíns traseiros deste vello asilo, no que os peregrinos poderán descansar mentres comproban nas pantallas como avanza a cola para recoller a compostela. Tamén se potenciou o xardín, para recuperar a idea e o concepto orixinal do edificio, e habilitouse un ascensor para garantir a accesibilidade a este espazo. O proxecto foi financiado pola Catedral e súmase á reforma da fachada e as carpinterías, que financiou Turismo de Galicia.

Texto e fotografía: La Voz de Galicia

Con este incremento da súa capacidade, o albergue de Pontevedra pasará a ser o de maior capacidade do Camiño Portugués, una ruta onde o Goberno autonómico conta con dez establecementos públicos que manteñen viva a tradición da hospitalidade xacobea. Nestes momentos está en marcha, ademais, o proxecto para a construción dun novo albergue, neste caso na variante costeira do Camiño Portugués na cidade de Vigo, que se situará no seu casco vello e que estará plenamente operativo de cara á celebración do Ano Santo.

O Camiño Portugués e o Camiño Portugués da Costa recibiron en 2018 o 25% do total dos peregrinos, con crecementos do 14,5% e o 89%, respectivamente.