Camiño de Santigo

Concurso literario: 100 Caminos en 100 Relatos 🗓

Xacobeo_jcr — Wed, 22 Apr 2020 11:17:39 +0000

O Camiño de Santiago é unha experiencia que marca a cada peregrino que percorre os seus carreiros polo motivo que sexa, pero para todos e cada un de nós a vida cambiou…

Son esas experiencias, vivencias, penas e alegrías as que queremos plasmar neste proxecto “100 Camiños en 100 Relatos: historias breves a Santiago”.

As palabras crean realidades, lémbrannos momentos, tráennos ás presente emocións e sensacións do onte.

100 Camiños en 100 Relatos quere ser unha vitrina para as súas vivencias e unha compañía para os peregrinos que queiran facer o Camiño ou xa se atopen nel.

Convoca: Círculo Chileno de Amigos do Camiño de Santiago de Compostela

Bases e envíos de relatos: ata o 31 de maio

Máis información: https://www.caminosantiago.cl

REGULAMENTO E BASES

Os Itinerarios Culturais do Consello de Europa foron galardoados co premio Carlos V

Xacobeo_jcr — Fri, 29 Mar 2019 08:47:48 +0000

Os Itinerarios Culturais do Consello de Europa foron galardoados co Premio Carlos V, galardón de ámbito internacional que outorga a Fundación Academia Europea e Iberoamericana de Yuste e que por primeira vez na súa historia recae nun programa.

Iniciouse o programa en 1987 coa declaración de Santiago como primeiro itinerario distinguido polo Consello de Europa.

O xurado valorou que este plan fomenta os valores que unen ao vello continente e a súa diversidade cultural, á parte de fomentar o respecto polas respectivas identidades, o diálogo intercultural, máis o intercambio e coñecemento dos países coa súa historia.

O Rei, presidente de honra da fundación, presidirá o 9 de maio, Día de Europa, no Real Mosteiro de Yuste (Cáceres) o acto de entrega deste galardón, dotado con 30.000 euros.

Fonte: El Correo Gallego

Turismo de Galicia celebra a exposición ‘Á luz do Calixtino. O Códice de Santiago’

bap — Fri, 16 Sep 2016 11:24:32 +0000

Chega a Santiago, despois de percorrer varias cidades europeas e españolas, a exposición “Á luz do Calixtino. O Códice de Santiago” organizada por Turismo de Galicia en colaboración coa Universidade de Santiago de Compostela. Que hoxe foi visitada por Rafael Sánchez, xerente do Xacobeo.

Esta exposición enmarca a candidatura do Códice Calixtino para a súa inclusión no Rexistro Internacional da Memoria do Mundo da UNESCO.

Na exposición poderase desfrutar de textos, fotografías, o facsímil do documento, de pezas orixinais e recreacións audiovisuais baseadas nos datos do Libro V do Códice onde a creatividade contemporánea forma parte do proxecto que é unha maridaxe entre o pensamento do século XII e a vivencia da peregrinación no século XXI.

Ademáis, esta mostra conta con varias láminas orixinais do artista Francisco Leiro, que forma parte da primeira versión completa do Calixtino en lingua galega. Tamén hai unha serie de fotografías actuais do Camiño de Santiago dos artistas Luís Gabú, Santy López, Manuel Valcárcel, Margen Fotografía, Eutropio Rodríguez e Silvia Steinbach, que ilustran a vixencia dunha serie de textos orixinais do Liber Sancti lacobi.

Podedes visitar a exposición de luns a sábado de 11:00 a 14:00 e de 16:00 a 20:30 horas ata o 3 de novembro na igrexa da Universidade de Santiago de Compostela.

Guardar