Actualmente os técnicos están a realizar estudos arquitectónicos co fin de procurar a mellor proposta de restauración posible.

No caso da obra que vén de rematar, as actuacións centráronse en resolver danos tanto no exterior como no interior da capela, que presentaba un aspecto moi descoidado con problemas relacionados coa presenza de humidades e o uso de materiais inadecuados.

Así na zona de capela o obxectivo foi crear un ambiente óptimo para a conservación, reverter as intervencións desafortunadas, comunicar de novo a capela coa Igrexa de San Pedro e adecuar o conxunto para os usos habituais recuperando, na medida do posible, o aspecto orixinal.

Nas fachadas, pola súa banda, os traballos estiveron dirixidos a mellorar as condicións de humidade mediante a eliminación dos revestimentos de cemento, a aplicación dunha nova revocadura e a creación dunha nova drenaxe na base dos muros. Ademais, na cuberta instaláronse novos canalóns e baixantes e modificouse o cumio formado por tella por un de lousas.

En canto ás madeiras, no transcurso das actuacións substituíuse a escaleira de caracol reforzando a varanda, incorporouse unha nova ventilación nas ventás e restaurouse o portalón exterior e as portas interiores. Por último, a proxecto tamén contemplou a creación dunha nova instalación eléctrica e a renovación das pinturas.

Data: 12 e 19 de xuño e 3 e 4 de xullo – 2021

Lugar: Mondoñedo (Lugo)

Organiza: “Abrindo Camiño” de Amigos do Camiño Norte de Santiago

Información: elremansoes@yahoo.es

O establecemento, que se atopa integrado no conxunto do santuario da Nosa Señora da Laxe, terá unha superficie de 325 metros cadrados e contará con 30 novas prazas, dúas delas para persoas con mobilidade reducida. Trátase dun dos proxectos contemplados o Plan de Albergues do Goberno galego para a reforma e diversificación dos establecementos rede pública coa vista no Xacobeo 2021.

Segundo recolle o proxecto, realizarase unha nova distribución de espazos, actuacións de eficiencia enerxética así como accións de rehabilitación e restauración de elementos de valor patrimonial. No que atinxe á mellora eficiencia enerxética, un dos obxectivos do Plan de Albergues, procederase á rehabilitación das envolventes da edificación, readaptando a distribución interior ás necesidades e recuperando aqueles elementos esenciais na definición da súa arquitectura como a antiga lareira, o lavadoiro de pedra ou os muros de pedra.

O novo albergue disporá de dúas plantas. Na planta baixa situarase a zona de recepción e atención ao peregrino, a zona de lecer, cociña e comedor, así como un dormitorio con baño adaptado a persoas con mobilidade reducida e un cuarto de limpeza. Na edificación auxiliar instalarase unha zona de servizos, ademais dun cuarto para bicicletas. Na planta alta desenvolveranse a zona de dormitorios, con dúas estancias amplas para aloxar aos peregrinos e aseos para ambos sexos. O prazo de execución das obras será de doce meses.

Prazo para presentar candidatos: ata o 25 de xaneiro de 2020

BASES

Co obxectivo de reforzar os servizos de atención aos peregrinos que realizan este itinerario xacobeo, o Executivo galego inaugurou recentemente esta infraestrutura, integrada nunha rede de 69 establecementos en toda a Comunidade. O albergue deu xa servizo arredor de 300 peregrinos, que pernoitaron nunhas instalacións acondicionadas para a súa estadía e prestación de servizos en espazos como salas de uso común, comedor, cociñas ou baños.

Localizado na Cabana, parroquia de Nodar, dispón de 29 prazas, tamén para peregrinos con mobilidade reducida, afondando así nos obxectivos do Plan de accesibilidade turística e do Camiño de Santiago que está a transformar a rede pública xestionada polo Xacobeo. Nesta liña, tamén o exterior do recinto dispón de ramplas de acceso ou varandas de protección.

O de Friol é o noveno albergue do Camiño do Norte e o número 28 da provincia de Lugo nas súas diferentes rutas.

Data: 6, 7 e 8 de xullo de 2018

Lugar: Mondoñedo e Lourenzá

Organiza: “Abrindo Camiño” de Amigos do Camiño Norte de Santiago

TRÍPTICO XORNADAS DO PEREGRINO

A convocatoria está aberta para fotógrafos en formación de todo o territorio español.

OBXECTIVO CAMIÑO busca poñer en valor a profesionalización da fotografía e, á súa vez, destacar a idoneidade da expresión fotográfica para captar, humanizar e facer visible o patrimonio e a experiencia xacobea no marco da celebración, en 2018, do Ano Europeo do Patrimonio Cultural.

Esta iniciativa conta co asesoramento da Asociación de Fotógrafos Profesionais de España ( AFP).

En relación á efeméride, como finalidade desta iniciativa destaca:

• Promover o patrimonio cultural como fonte de inspiración para a creación e a innovación contemporáneas.
• Buscar unha maior interacción, entre o sector do patrimonio cultural e outros sectores culturais e creativos, neste caso no público novo en período de formación profesional no campo da fotografía.
• Sensibilizar o público novo, futuros profesionais do sector creativo, acerca da importancia do patrimonio cultural europeo, neste caso o Xacobeo, a través da educación e a aprendizaxe permanente e o achegamento artístico documental deste.

Como participar

Os participantes terán que ser maiores de idade e estar matriculados en estudos oficiais, públicos ou privados, de fotografía (Escolas de Artes e Oficios, Bacharelatos de Artes, estudos de FP e CIFP con materias relacionadas de fotografía, escolas públicas e privadas de Fotografía, Facultades de Xornalismo, Comunicación Visual e Audiovisual) de todo o territorio español. Poderán optar as alumnas e alumnos matriculados en calquera dos citados estudos, independentemente da súa nacionalidade, sempre que a formación sexa superior a 80 horas.

A través do profesorado das materias máis directamente relacionadas coa fotografía, os participantes realizarán as súas propostas fotográficas sobre o patrimonio artístico do Camiño de Santiago (arquitectura, escultura, pintura…), pero ofrecendo un enfoque máis amplo, cos aspectos inmateriais que acompañan a experiencia xacobea, na súa vertente humana e tamén paisaxística, das rutas declaradas Patrimonio Mundial (Camiño Francés, o Camiño do Norte ou da Costa, o Camiño Vasco-Rioxano, o Camiño de Liébana e o Camiño Primitivo).

O alumnado poderá participar na iniciativa cun máximo de tres fotografías, sen límite de formato, que se seleccionarán co apoio do docente implicado, cando proceda.

A primeira fase da iniciativa consiste en que os centros interesados na iniciativa envíen un correo a info@objetivocamino.es, indicando o nome da institución. A partir da recepción do correo daráselle a cada centro un código de subida das imaxes ao mapa de xeolocalización, así como as especificacións técnicas necesarias.

Con ese código, os participantes poderán subir as súas creacións fotográficas a esta páxina web no apartado: mapa.

Cada proposta debe contar coa localización exacta (ben a través de coordinadas de GPS ben coa dirección exacta) do lugar onde foi tomada a instantánea, que os participantes deberán indicar no formulario. Ademais da localización, as fotografías contarán cunha lenda que sitúe a localización, acompañadas polo nome e a data (se se coñece) do obxecto/obra fotografada, así como o nome do autor da fotografía e do centro de estudos ao que pertence.

Deste xeito, construirase a partir de www.objetivocamino.es, unha galería de imaxes xeolocalizadas do Camiño de Santiago, que servirán de base para a selección das imaxes que conformarán a mostra. A data límite de envío de propostas será o 30 de xuño ás 23:59 h.

Selección de imaxes

A partir desa data, o Consello Xacobeo, asesorado pola Asociación de Fotógrafos Profesionais de España ( AFP) e expertos en patrimonio xacobeo, seleccionará as mellores imaxes, ata un máximo de 30 fotografías, polas que os seus autores recibirán unha prestación económica de 600€ brutos en concepto de pagamento de dereitos de reprodución.

Coas fotografías seleccionadas organizarase unha exposición itinerante que terá como punto de partida o Círculo de Bellas Artes de Madrid, cunha mostra que permanecerá aberta ao público os meses de novembro e decembro de 2018. Da mostra, titulada OBXECTIVO CAMIÑO, editarase un catálogo impreso, que terá tamén versión dixital nesta páxina web no segundo semestre do mesmo ano.

Fonte: Consello Xacobeo

Espazo: Salón de Ámbito Cultural. Centro Comercial Compostela. Santiago

Datas: do 1 ao 31 de marzo de 2018

Organiza: El Corte Inglés

Estes artistas autodidactas mostran a súa peculiar visión do Camiño de Santiago a través dunha trintena de óleos.

O Salón de Ámbito Cultural de El Corte Inglés (planta baixa), acolle durante todo o mes de marzo en horario comercial, de 10 a 22 horas, a exposición de óleos da mindoniense Irma Loureiro e o compostelán Joaquín Formoso, na que trasladan aos visitantes a súa peculiar visión dos Camiños do Norte e Fisterra e Muxía.

Son un total de 34 os óleos que compoñen esta exposición dividida en tres espazos nos que se retratan os principais puntos de interese dos itinerarios xacobeos. A primeira das seccións expón as distintas etapas do Camiño do Norte ao seu paso por Galicia, destacando localidades como Ribadeo, Lourenzá, Mondoñedo, Abadín, Vilalba, Sobrado dos Monxes e Arzúa.

A continuación, e nun destacado espazo central, móstranse diversos aspectos da capital galega. Presidindo o conxunto de óleos atópase unha interpretación da catedral de Santiago.

Completa a mostra o percorrido polo Camiño Fisterra e Muxía a través dunha decena de lenzos. Neste caso, destácanse localidades como Negreira, Cee, Fisterra ou Muxía.

Tras protagonizar as súas exposicións individuais, ambos os artistas autodidactas unen o seu talento para crear esta mostra sobre dúas das rutas xacobeas ao seu paso pola comunidade galega.

Fonte: El Corte Inglés.

Preto de 32.000 persoas visitaron os centros de interpretación do Camiño de Santiago desde comezos deste ano.

Galicia conta con catro centros deste tipo repartidos entre as provincias de Lugo e A Coruña e situados en tres dos itinerarios xacobeos existentes: o Camiño Francés, co centro do Cebreiro; o Camiño do Norte, co de Mondoñedo, e o Camiño Primitivo, co centro de Lugo.

Esta oferta divulgativa se completa coas novas dependencias localizadas na meta de peregrinación, en Santiago de Compostela, como parte dos servizos do Centro Internacional de Acollida ao Peregrino.

Este tipo de centros de interpretación, xestionados desde Turismo de Galicia a través do Xacobeo, dan un enorme valor engadido á experiencia da peregrinación, xa que brindan aos camiñantes apoio, información e contidos complementarios que lles axudan a comprender e coñecer máis o Camiño de Santiago, en xeral, e a ruta que están a percorrer en particular. Fano desde as diferentes perspectivas presentes na ruta xacobea e que a enriquecen.

O centro de interpretación do Camiño de Santiago no Cebreiro, no emblemático punto de entrada do Camiño Francés na Comunidade, foi o que recibiu máis visitantes, ao superar xa os 12.000. Precisamente este itinerario é o máis seguido polos peregrinos, pois concentra o 60% dos camiñantes totais. Pola súa banda, as instalacións de Lugo recibiron máis de 6.300 e as de Mondoñedo preto de 3.200. Finalmente, ata este servizo do Centro Internacional de Acollida ao Peregrino, na contorna da praza do Obradoiro, achegáronse máis de 10.000 persoas. Neste lugar, Turismo de Galicia dispón de espazos onde o peregrino pode recibir asesoramento para continuar a súa estadía na Comunidade tras recoller a Compostela.

Un verán de novidades e melloras

Todos estes centros se atopan en camiños declarados Patrimonio Mundial pola Unesco que, ao igual que o resto de itinerarios, están a experimentar constantes melloras ao abeiro do Plan director e estratéxico do Camiño de Santiago. Coa vista posta no Xacobeo 2021, xa se desenvolveron numerosas iniciativas en eidos como o mantemento viario, a sinalización e a seguridade viaria, a potenciación dos valores patrimoniais, o impulso da accesibilidade e da sustentabilidade medioambiental ou o fomento da investigación e a cultura xacobea.

Nas últimas semanas, inauguráronse numerosos proxectos como as piscinas do Parque Monte do Gozo, que abren durante todo o verán de balde para todos os cidadáns; ou o novo albergue da Fonsagrada, tras a rehabilitación dun edificio histórico. A Rede Pública de Albergues tamén estreou sinalización táctil accesible para os peregrinos con discapacidade visual total ou parcial. Todas estas accións esténdense ao Camiño Portugués, a súa variante pola Costa, ao Inglés, á Vía da Prata, ao Camiño de Muxía-Fisterra e ao Camiño de Inverno.

Percorrido a pé de promoción do novo trazado desde Salave (Tapia de Casariego ) – Vegadeo – Trabada – Val de Lourenzá – Mondoñedo a realizar os domingos: 3 de setembro, 8 de outubro e 29 de outubro.
Con diversas actividades complementarias: Mesa do Camiño Norte da Costa de concellos e asociacións (tramo Oviedo – Arzúa) Presentación do Proxecto Ultreya. Actuacións musicais. Visitas guiadas. Degustacións gastronómicas…

Inscricións no Concello de Lourenzá.