En virtude deste acordo de cesión da antiga casa de correos, situada na rúa Dores número 3 e a súa horta anexa propiedade do Xacobeo, pasará a ser xestionada polo concello de Arzúa. O edificio linda coa Capela da Madanela e o albergue de peregrinos do Xacobeo e a partir de agora poderá albergar actividades culturais xacobeas que poñan en valor patrimonio material e inmaterial galego e axuden a entender a realidade do Camiño de Santiago e a peregrinación. O edificio porase a disposición do Concello nas condicións axeitadas para a súa operatividade.

En virtude do acordo, o Concello asumirá os custos do mantemento e xestión ordinarias do inmoble, tamén se responsabilizará de contratar e costear a contratación do persoal necesario para mantemento e atención, entre outras actuacións. A cesión ten carácter gratuíto e realízase por un prazo de catro anos, que pode prorrogarse outros catro anos máis sempre que medie acordo expreso das partes.

Lugar: Salón de Actos do Concello de Monterroso

Organiza: Asociación de Municipios do Camiño de Santiago

SELO DE CAUCHO:

Desde o un de xaneiro de 2024 na Igrexa de San Salvador de Vilar das Donas pódese selar a credencial do Camiño de Santiago con un selo conmemorativo.

CREDENCIAL DE VILAR DAS DONAS (EDICIÓN 2024):

Desde 2022 aqueles que visitan a Igrexa de San Salvador de Vilar da Donas contan cunha credencial (física ou dixital) que acredita a súa visita a un dos referentes do Camiño de Santiago en Galicia.

MÁIS INFORMACIÓN: cdiaulloa@vilardasdonas.org.es – Tlf.: 670 523 688

Afondando neste proxecto, a exposición itinerante Os camiños de Elías Valiña, proposta para viaxar por diversas localidades de Galicia, dalle continuidade a este documental, reforzando cunha montaxe multimedia e itinerante ideas recollidas no Plan Director do Camiño de Santiago 2022-27 relativas á promoción xacobea.

A exposición ten un carácter didáctico, multimedia, innovador e valorizador do traballo recuperador de Elias Valiña, empregando fotografías orixinais do cura do Cebreiro, e polo tanto históricas, xunto con outras que amosan a actualidade do Camiño, recuperado e posto ao servizo da peregrinación.

Entre os principais obxectivos da mostra, hai que resaltar a valorización do labor dun pioneiro, como foi Elías Valiña, e o traballo de estudo, recuperación e revalorización do Camiño por parte da Xunta de Galicia ao longo da década de 1990 e xa no século XXI.

Lugar: Igrexa de Santa María a Real do Cebreiro. Pedrafita do Cebreiro (Lugo)

Data: do 20 de xullo ao 15 de agosto 2023

Organiza: Turismo de Galicia. Xunta de Galicia

Colabora: Parroquia de Santa María a Real do Cebreiro e Arraianos Producións

Máis información: www.eliasvaliña.gal

Campanas del Camino. Las campanas en el entorno de los Caminos Francés y Primitivo en Galicia es uno de los proyectos que apoyó la Xunta de Galicia en la primera edición del programa O teu Xacobeo. Recopila y expone información sobre 80 campanarios, 191 campanas inventariadas y sus características e incluso el distinto sonido y utilidad de los toques con los que se transmite información a los vecinos y vecinas de las parroquias.

Estas obras, explicou o Goberno, inclúense no marco dun conxunto de actuacións que teñen como obxectivo principal a mellora do Camiño de Santiago ao seu paso por dez municipios das provincias da Coruña e Lugo.

O extinto Ministerio de Fomento convocou no seu día un concurso de proxectos con intervención de xurado para a selección dos dez que completan o conxunto da intervención. Este é o sétimo proxecto que se licita e está previsto que os traballos se inicien a principios de 2021, cun prazo de execución de seis meses.

A actuación ten por obxecto revalorizar a historia e o patrimonio de Palas de Rei, achegando unha “mellora substancial na calidade do espazo público” que contribúa a “dignificar e dotar de valor as edificacións tradicionais do núcleo”.

En concreto, os traballos van dirixidos a prolongar a pavimentación que existe na zona central do núcleo, ata o ensanche do Camiño, estendéndoa polo lateral da igrexa ata exceder o atrio. Atenderase tamén ao enterramento das instalacións urbanas, integrando as arquetas e rexistros nos novos lousados do pavimento, e a dotación de iluminación máis discreta, que evite o impacto visual producido polas luminarias actuais.

Fonte e fotografía : El Progreso

Para poder desenvolver estes traballos, o Goberno galego asinou un convenio de colaboración coa Diocese de Lugo para a posta a disposición dos terreos e inmobles necesarios para a execución das actuacións de conservación e restauración en varios inmobles eclesiásticos, entre os que se atopa a igrexa de San Martiño, no seo do Camiño Francés.

Primeiro románico provincial

Esta igrexa é un edificio de orixe románica de volume sinxelo e ornamentación austera. Posúe unha ábsida cadrada e unha nave principal rectangular á que se acaroa unha nave lateral ao norte, separada por dous arcos de medio punto. Entre o altar maior e a nave principal hai un arco tamén de medio punto. Ao norte da ábsida sitúase unha sancristía. A cuberta do presbiterio era a catro augas, máis alta que a da nave principal a dúas augas, configurada co sistema de par e fileira en madeira e con lousa como acabado exterior.

Fronte á fachada principal existe un cabido a dúas augas a través do que se chega á portada principal realizada en cantería de granito e arco de medio punto superior. Outra porta máis sinxela dá acceso á nave lateral. Os muros e os tres arcos interiores están realizados en cachotaría de lousa cubertos de revocadura de cal. O campanario de dobre arco elévase sobre a portada da fachada principal. O pavimento interior é de grandes lousas negras de calidade. No interior consérvase unha pía bautismal de granito, con conca e pilastra, así como restos de pinturas murais de carácter popular nos arcos.

Fotografía: El Progreso

A intervención corrixirá a entrada de humidade que se produce a través das cubertas e os sistemas de evacuación das augas de chuvia, encontros coas torres e paseos de ronda xunto as ameas, así como as alteracións que como consecuencia desta situación poidan acusar as fachadas, en especial as portadas escultóricas.

A igrexa de San Nicolás ou de San Xoán de Portomarín, un dos monumentos máis significativos do Camiño Francés en Galicia, ten a consideración de ben de interese cultural (BIC) coa categoría de monumento. Foi construída entre os séculos XII e XIII pola Orde Hospitalaria de San Xoán de Xerusalén, seguindo a tradición dos antigos templos romanos adicados ao deus Jano.

Ten unha soa nave con dúas portas laterais na cabeceira, unha porta frontal na fachada principal ao oeste e unha ábsida semicircular ao leste. Interiormente destaca a súa altura e a orde románica expresada nas columnas dos muros e fiestras con arcadas de medio punto propias deste estilo. Exteriormente resulta impoñente a súa sinxeleza compositiva, o seu esvelto volume coroado de ameas e as catro pequenas torres que recordan o seu carácter defensivo, o rosetón da fachada principal e a delicada decoración románica. A súa situación orixinal xunto á ponte sobre o rio Miño, respondía ao control e protección do paso dos peregrinos e comerciantes pola ponte.

Os traballos levaranse a cabo no Camiño Francés, na estrada LU-633, para a mellora da seguridade viaria dos peregrinos, como usuarios vulnerables das estradas. Trátase de intervencións específicas a desenvolver en 5 concellos da provincia: Pedrafita, Triacastela, Samos, Sarria e Portomarín.

No marco deste proxecto, acometeranse accións como a mellora da sinalización nos cruces do Camiño de Santiago coa estrada autonómica para orientar aos peregrinos e que lles sexa máis doado seguir a traza da ruta xacobea.

Tamén se realizarán a rehabilitación de treitos do Camiño e a súa ampliación en varios puntos ao seu paso polos concellos de Pedrafita, Triacastela e Samos, resolvendo así o estreitamento da traza actual e favorecendo un tránsito cómodo e seguro dos peregrinos.

En Pedrafita do Cebreiro dotarase ao Camiño dun ancho maior no treito situado á saída da parroquia de Hospital. E, tanto na saída de Triacastela como en Samos, ampliarase e rehabilitarase a ruta xacobea, executando 5 treitos de pasarela de madeira.

Este conxunto de medidas buscan favorecer a mobilidade dos peregrinos, facer que a ruta Xacobea sexa máis segura e lograr unha convivencia máis harmónica entre peregrinos e vehículos, facendo as estradas autonómicas máis humanas, máis accesibles e máis seguras, tamén para os peregrinos.

A Directriz do Camiño de Santiago-Camiño Francés ao seu paso por Aragón está impulsada desde a Dirección Xeral de Ordenación do Territorio, do Goberno de Aragón, co fin de articular proxectos nas localidades polas que discorre esta ruta para favorecer o seu desenvolvemento e beneficiar, tamén, aos peregrinos que as transitan.

As xornadas internacionais, que se organizan cada dous anos, celebraron a súa primeira edición en marzo de 2017, co foco posto na revitalización do Camiño de Santiago francés ao seu paso por Aragón. Na súa edición de 2019 convócanse para expor a necesidade de avanzar na coordinación de accións.

A posta en marcha desta segunda xornada emana da aprobación da Directriz Especial do Camiño de Santiago publicada no BOA o pasado 14 de decembro. Co título ‘O Camiño de Santiago: elemento de desenvolvemento territorial. Necesidade de coordinar as accións’, este encontro ten como obxectivo coñecer experiencias que contribuísen a axuntar a tradición e o patrimonio cos avances para mellorar a calidade de vida dos pobos polos que pasan as rutas de peregrinaxe ata a cidade galega.

Data: 18 de marzo de 2019

Lugar: Mosteiro de San Juan de la Peña. Huesca

Organiza: Goberno de Aragón

Inscrición gratuíta en: www.caminodesantiagoporaragon.com

PROGRAMA