Os traballos corrixirán os problemas de entrada da auga a través dos muros e do chan. A capela recuperará a súa imaxe primixenia, dado que a mampostería existente non foi concibida para quedar descuberta e provoca boa parte das filtracións.

Así, os muros exteriores serán enfoscados e pintados, en liña coa solución aplicada na torre do campanario e noutras zonas da anexa igrexa de San Pedro na restauración levada a cabo o pasado ano. O enfoscado será a base de morteiro de cal, que permite un bo funcionamento hidrométrico dos edificios, con pintura mineral ao silicato. A medida mellorará notablemente o illamento das fachadas.

As zonas de cantería limparanse e reporanse os encintados. Tamén se restaurarán ou substituirán as carpinterías e a cerraxería, retirando os elementos discordantes.

Esta capela barroca, protexida polo seu valor cultural no Catálogo do Patrimonio Cultural de Galicia, foi construída no ano 1695. Esténdese ao longo do lateral sur da nave da igrexa de San Pedro e ten planta rectangular debido á adaptación ao terreo que o entón convento franciscano cedeu para a súa construción, o que condicionou a súa forma e dimensións.

Entre as actuacións previstas inclúese a renovación do enlousado da cuberta e colocación de proteccións no campanario e cuberta. Tamén se renovará e saneará a drenaxe perimetral existente e realizaranse intervencións puntuais nas carpinterías exteriores para aumentar a ventilación do interior. Incorporarase, ademais, un illante térmico na cuberta e acometeranse traballos de conservación preventiva nas pinturas murais do seu interior.

A igrexa de Santa María de Vilabade en Castroverde ten as súas orixes na orde franciscana, cunha posible fundación inicial no século XIII, e unha posterior refundición no século XV. A súa arquitectura posúe elementos góticos e outros de épocas posteriores froito das sucesivas transformacións sufridas nos séculos XVI, XVII e XVIII.

As fachadas oeste e sur presentan abundantes elementos medievais, mentres que o pórtico da entrada principal co seu frontón e arcada frontal é neoclásica. A súa planta é dunha soa nave dividida en tres tramos por arcos apuntados cunha tribuna aos pés. O presbiterio está rematado por un valioso retablo barroco de Francisco de Moure, tras o que se desenvolve a sancristía en dúas alturas a modo de chirola. Nas paredes laterais destacan dous retablos barrocos e pinturas murais deterioradas pola humidade.

A igrexa está protexida polo seu valor cultural ao ter a consideración de Ben de Interese Cultural (BIC) coa categoría de monumento. E é un dos máis de 700 BICS galegos. Está incluída no Catálogo de Protección do Plan Xeral de Ordenación Municipal de Castroverde. Ademais, está situada no Camiño Primitivo.

Campanas del Camino. Las campanas en el entorno de los Caminos Francés y Primitivo en Galicia es uno de los proyectos que apoyó la Xunta de Galicia en la primera edición del programa O teu Xacobeo. Recopila y expone información sobre 80 campanarios, 191 campanas inventariadas y sus características e incluso el distinto sonido y utilidad de los toques con los que se transmite información a los vecinos y vecinas de las parroquias.

A partir dun labor de documentación, a autora novela a historia en forma de diario dunha muller e afonda ademais na orixe de certas tradicións especialmente arraigadas na nosa cultura. La Peregrina súmase ás numerosas obras literarias que nos últimos anos tomaron como inspiración o Camiño de Santiago, como El peregrino, de Paulo Coelho, ou outros best sellers que contribuíron a popularizar a ruta xacobea en lugares como Alemaña ou Corea do Sur, con obras que foron líderes en ventas como Bueno, me largo, do alemán Hape Kerkeling, ou A viaxe dunha muller soa, da coreana Kim Nam Hee, entre outras moitas.

A convocatoria está aberta para fotógrafos en formación de todo o territorio español.

OBXECTIVO CAMIÑO busca poñer en valor a profesionalización da fotografía e, á súa vez, destacar a idoneidade da expresión fotográfica para captar, humanizar e facer visible o patrimonio e a experiencia xacobea no marco da celebración, en 2018, do Ano Europeo do Patrimonio Cultural.

Esta iniciativa conta co asesoramento da Asociación de Fotógrafos Profesionais de España ( AFP).

En relación á efeméride, como finalidade desta iniciativa destaca:

• Promover o patrimonio cultural como fonte de inspiración para a creación e a innovación contemporáneas.
• Buscar unha maior interacción, entre o sector do patrimonio cultural e outros sectores culturais e creativos, neste caso no público novo en período de formación profesional no campo da fotografía.
• Sensibilizar o público novo, futuros profesionais do sector creativo, acerca da importancia do patrimonio cultural europeo, neste caso o Xacobeo, a través da educación e a aprendizaxe permanente e o achegamento artístico documental deste.

Como participar

Os participantes terán que ser maiores de idade e estar matriculados en estudos oficiais, públicos ou privados, de fotografía (Escolas de Artes e Oficios, Bacharelatos de Artes, estudos de FP e CIFP con materias relacionadas de fotografía, escolas públicas e privadas de Fotografía, Facultades de Xornalismo, Comunicación Visual e Audiovisual) de todo o territorio español. Poderán optar as alumnas e alumnos matriculados en calquera dos citados estudos, independentemente da súa nacionalidade, sempre que a formación sexa superior a 80 horas.

A través do profesorado das materias máis directamente relacionadas coa fotografía, os participantes realizarán as súas propostas fotográficas sobre o patrimonio artístico do Camiño de Santiago (arquitectura, escultura, pintura…), pero ofrecendo un enfoque máis amplo, cos aspectos inmateriais que acompañan a experiencia xacobea, na súa vertente humana e tamén paisaxística, das rutas declaradas Patrimonio Mundial (Camiño Francés, o Camiño do Norte ou da Costa, o Camiño Vasco-Rioxano, o Camiño de Liébana e o Camiño Primitivo).

O alumnado poderá participar na iniciativa cun máximo de tres fotografías, sen límite de formato, que se seleccionarán co apoio do docente implicado, cando proceda.

A primeira fase da iniciativa consiste en que os centros interesados na iniciativa envíen un correo a info@objetivocamino.es, indicando o nome da institución. A partir da recepción do correo daráselle a cada centro un código de subida das imaxes ao mapa de xeolocalización, así como as especificacións técnicas necesarias.

Con ese código, os participantes poderán subir as súas creacións fotográficas a esta páxina web no apartado: mapa.

Cada proposta debe contar coa localización exacta (ben a través de coordinadas de GPS ben coa dirección exacta) do lugar onde foi tomada a instantánea, que os participantes deberán indicar no formulario. Ademais da localización, as fotografías contarán cunha lenda que sitúe a localización, acompañadas polo nome e a data (se se coñece) do obxecto/obra fotografada, así como o nome do autor da fotografía e do centro de estudos ao que pertence.

Deste xeito, construirase a partir de www.objetivocamino.es, unha galería de imaxes xeolocalizadas do Camiño de Santiago, que servirán de base para a selección das imaxes que conformarán a mostra. A data límite de envío de propostas será o 30 de xuño ás 23:59 h.

Selección de imaxes

A partir desa data, o Consello Xacobeo, asesorado pola Asociación de Fotógrafos Profesionais de España ( AFP) e expertos en patrimonio xacobeo, seleccionará as mellores imaxes, ata un máximo de 30 fotografías, polas que os seus autores recibirán unha prestación económica de 600€ brutos en concepto de pagamento de dereitos de reprodución.

Coas fotografías seleccionadas organizarase unha exposición itinerante que terá como punto de partida o Círculo de Bellas Artes de Madrid, cunha mostra que permanecerá aberta ao público os meses de novembro e decembro de 2018. Da mostra, titulada OBXECTIVO CAMIÑO, editarase un catálogo impreso, que terá tamén versión dixital nesta páxina web no segundo semestre do mesmo ano.

Fonte: Consello Xacobeo

Nas próximas semanas poderase consultar nesta web toda a información relativa ao programa formativo. Mentres tanto, adiantámosvos o principal.

QUE OBXECTIVO TEN O PROGRAMA?

O Teu Camiño de Santiago, patrimonio de todos é un programa formativo, destinado a mozos e mozas de Educación Secundaria Obrigatoria, cuxo obxectivo principal é fomentar o coñecemento do patrimonio cultural relacionado co Camiño de Santiago, e motivar neles unha reflexión sobre a importancia da conservación da ruta xacobea.

O programa convida a desenvolver traballos de creación artística relacionados cos camiños sobre os que traballa o Consello Xacobeo: Camiño Primitivo, Camiño da Costa, Camiño Francés, Camiño do Interior Vasco-Rioxano, Camiño Lebaniego e Camiño Catalano-Aragonés.

QUEN PODE PARTICIPAR?

Poderán participar grupos de mozos matriculados en Educación Secundaria Obrigatoria durante o curso académico 2017/2018.

QUE SE VALORARÁ NOS TRABALLOS PARA PARTICIPAR?

Valoraranse os seguintes aspectos xerais:

a) Posta en valor do patrimonio cultural, material e inmaterial, relacionado co Camiño de Santiago dentro dos Camiños do Consello Xacobeo.

b) Participación dos colectivos locais vinculados ao Camiño de Santiago (como asociacións de amigos do Camiño) no proceso de formación dos participantes.

c) Recoñecemento e apreciación por parte dos participantes do concepto e os diferentes tipos de patrimonio.

d) Elaboración dentro dun proceso multidisciplinar e participativo.

QUE TIPO DE TRABALLOS SE PODEN PRESENTAR?

Estableceranse tres categorías dentro do programa:

• Fotografía
• Cómic/foto cómic
• Curtametraxe/vídeo

Todos os traballos deben ser colectivos, non se aceptarán traballos individuais.

COMO DIFUNDIREMOS OS TRABALLOS?

Todos aqueles traballos presentados farán o Camiño como un peregrino máis dun xeito moi especial, chegando a Santiago de Compostela, onde se exhibirán xuntos nunha exposición temporal que se celebrará alí.

Entre todos faremos que o voso Camiño sexa coñecido por máis xente!

Fonte: Consello Xacobeo

+INFO

Preto de 32.000 persoas visitaron os centros de interpretación do Camiño de Santiago desde comezos deste ano.

Galicia conta con catro centros deste tipo repartidos entre as provincias de Lugo e A Coruña e situados en tres dos itinerarios xacobeos existentes: o Camiño Francés, co centro do Cebreiro; o Camiño do Norte, co de Mondoñedo, e o Camiño Primitivo, co centro de Lugo.

Esta oferta divulgativa se completa coas novas dependencias localizadas na meta de peregrinación, en Santiago de Compostela, como parte dos servizos do Centro Internacional de Acollida ao Peregrino.

Este tipo de centros de interpretación, xestionados desde Turismo de Galicia a través do Xacobeo, dan un enorme valor engadido á experiencia da peregrinación, xa que brindan aos camiñantes apoio, información e contidos complementarios que lles axudan a comprender e coñecer máis o Camiño de Santiago, en xeral, e a ruta que están a percorrer en particular. Fano desde as diferentes perspectivas presentes na ruta xacobea e que a enriquecen.

O centro de interpretación do Camiño de Santiago no Cebreiro, no emblemático punto de entrada do Camiño Francés na Comunidade, foi o que recibiu máis visitantes, ao superar xa os 12.000. Precisamente este itinerario é o máis seguido polos peregrinos, pois concentra o 60% dos camiñantes totais. Pola súa banda, as instalacións de Lugo recibiron máis de 6.300 e as de Mondoñedo preto de 3.200. Finalmente, ata este servizo do Centro Internacional de Acollida ao Peregrino, na contorna da praza do Obradoiro, achegáronse máis de 10.000 persoas. Neste lugar, Turismo de Galicia dispón de espazos onde o peregrino pode recibir asesoramento para continuar a súa estadía na Comunidade tras recoller a Compostela.

Un verán de novidades e melloras

Todos estes centros se atopan en camiños declarados Patrimonio Mundial pola Unesco que, ao igual que o resto de itinerarios, están a experimentar constantes melloras ao abeiro do Plan director e estratéxico do Camiño de Santiago. Coa vista posta no Xacobeo 2021, xa se desenvolveron numerosas iniciativas en eidos como o mantemento viario, a sinalización e a seguridade viaria, a potenciación dos valores patrimoniais, o impulso da accesibilidade e da sustentabilidade medioambiental ou o fomento da investigación e a cultura xacobea.

Nas últimas semanas, inauguráronse numerosos proxectos como as piscinas do Parque Monte do Gozo, que abren durante todo o verán de balde para todos os cidadáns; ou o novo albergue da Fonsagrada, tras a rehabilitación dun edificio histórico. A Rede Pública de Albergues tamén estreou sinalización táctil accesible para os peregrinos con discapacidade visual total ou parcial. Todas estas accións esténdense ao Camiño Portugués, a súa variante pola Costa, ao Inglés, á Vía da Prata, ao Camiño de Muxía-Fisterra e ao Camiño de Inverno.

Así, entre as reformas levadas a cabo, uniformáronse os niveis das plantas baixa e primeira e substituíuse parte da fachada oeste; reemprazouse unha parte da fachada sur por unha galería; melloráronse as condicións de iluminación e ventilación dos patios interiores; incorporáronse melloras de accesibilidade; restauráronse os elementos arquitectónicos e as pinturas murais do edificio; e dispuxéronse tres dormitorios, nos que poderán descansar ata 42 peregrinos.

Un equipamento no que en total a Xunta investiu máis de 600.000 euros para mellorar os servizos do Camiño Primitivo, cun albergue bautizado co nome de Ramón Rodríguez, un sacerdote da Fonsagrada que dedicou gran parte da súa vida a dar a coñecer esta ruta e esta vila.

A declaración dos Camiños do Norte e o Primitivo como Patrimonio da Humanidade veu acompañado por un aumento do interese por percorrelo. Non en van, só nos últimos 10 anos o número de peregrinos do Camiño Primitivo multiplicouse por catro, ata acadar os 12.100 o ano pasado.

Rede de Albergues de Peregrinos do Xacobeo

Poderán ser persoas beneficiarias destas axudas as comunidades de propietarios, as agrupacións de comunidades de propietarios e as persoas físicas propietarias únicas de edificios ou de vivendas que estean emprazadas no ámbito da ARI dos Camiños de Santiago e estean en posesión da correspondente resolución de cualificación definitiva outorgada polo Instituto Galego da Vivenda e Solo.

As persoas interesadas en acceder a estas axudas poderán solicitalas dende mañá e ata o 30 de novembro de 2017. No seguinte enlace ao DOG pódese ampliar a información relativa a esta convocatoria: goo.gl/uDRPLg

O importe máximo da axuda será de 15.000 euros por vivenda, dos que 11.000 serán de financiamento estatal e non poderán superar máis do 35 por cento do orzamento e 4.000 de financiamento autonómico, co límite do 10 por cento do orzamento.

A delimitación da ARI comprende o trazado das setes rutas do camiño en Galicia:

Francés. Dende Pedrafita do Cebreiro ata Santiago de Compostela
Da Prata I. Dende A Mezquita ou Verín ata Ourense e da Prata II. Dende Ourense ata Santiago de Compostela
Inglés. Dende Ferrol ou A Coruña, xuntándose en Mesía ata Santiago de Compostela
Primitivo. Dende A Fonsagrada ata Melide que conecta co Camiño Francés
Norte. Dende Ribadeo ata Arzúa que conecta co Camiño Francés
Fisterra-Muxía. Dende Santiago de Compostela ata Fisterra con desvío Muxía
Portugués. Dende Tui a Santiago de Compostela

A de 2017 é a terceira convocatoria deste tipo de axudas, posto que ao abeiro das dúas anteriores xa se rehabilitaron 255 vivendas, con preto de 1,5 millóns de euros e están en trámites outras 235, con subvencións de máis de 1,1 millóns de euros.

Esta ARI comprende 445 parroquias de 107 concellos das catro provincias galegas. Nas zonas de carácter rural o ámbito da área de rehabilitación comprende a totalidade da parroquia, de maneira que todas as vivendas da mesma que cumpran os requisitos poden beneficiarse das axudas establecidas. Nas zonas urbanas o ámbito da ARI restrínxese ao trazado do Camiño.

Rural e conxuntos históricos

Por outra parte, o DOG tamén publica a convocatoria de axudas para o remate de fachadas e cubertas, rehabilitación e reconstrución de edificios e vivendas no ámbito rural, histórico e dos Camiños de Santiago, nas que a Xunta de Galicia investirá en 2017 un millón de euros. A contía destinada a estas axudas poderá se ampliada se así o esixe a demanda de axudas.

Da contía total, 500.000 euros destinaranse a actuacións no medio rural e outros 500.000 euros a actuacións en conxuntos históricos e nos Camiños de Santiago.

O prazo de presentación de solicitudes será dun mes, contado a partir de mañá. No seguinte enlace ao DOG pódese ampliar a información relativa a esta convocatoria: goo.gl/uDRPLg

Poderán ser beneficiarios das subvencións os promotores das actuacións que cumpran os requisitos establecidos e conten coa resolución de cualificación definitiva ou coa cédula de rehabilitación de calidade. Ademais a vivenda deberá ser domicilio habitual do propietario ou dun inquilino no caso de estar alugada. A única excepción son os galegos residentes no exterior da comunidade autónoma e que non destinen a vivenda ao alugamento, pois neste caso a obriga limitarase á residencia na vivenda rehabilitada ou reconstruída durante un período de, polo menos, 15 días ao ano.

Polo que respecta ao límite de ingresos dos beneficiarios, será de 3,5 veces o Iprem no caso de rehabilitacións no medio rural e de 6,5 veces o Iprem en rehabilitacións en conxuntos históricos e nos Camiños de Santiago. No caso de vivendas destinadas ao alugamento, os ingresos dos inquilinos non poderán superar 4,5 veces o Iprem.

O importe da subvención será do 50 por cento do orzamento que figure na resolución de cualificación definitiva, cun límite de de 6.600 euros no caso de remate de fachada e rehabilitación, e de 8.600 euros na modalidade de reconstrución de edificios e vivendas.

De Camiños que conducen polo magnífico patrimonio natural e arquitectónico das catro provincias, coas sendas  milenarias que conflúen en Compostela, meta da peregrinaxe xacobea, como un dos seus principais estandartes.

De Culturas vivas, diversas, actuais e propias, que agroman en cada recanto e que reflicten a nosa capacidade creativa e o noso bo facer nos distintos eidos do espectáculo.

O programa Cultura no Camiño —que tivo a súa primeira entrega en outubro de 2013— volve unir en 2017 estas dúas forzas, a da nosa xeografía coa da nosa arte, para amosar unha carteleira renovada, que se desenvolverá do 15 de abril ao 30 de setembro nas 98 localidades participantes, todas elas radicadas nas distintas rutas do Camiño de Santiago en Galicia.

Concertos de diversos estilos, así como funcións de teatro, danza, maxia e novo circo compoñen un intenso calendario cultural e de lecer, coordinado por Turismo de Galicia e pola Consellería de Cultura, Educación e Ordenación Universitaria  a través da Agadic (Axencia Galega das Industrias Culturais) o co patrocinio de Gadis.

Lugar: Galicia

Datas: Do 15 de abril ao 30 de setembro de 2017

Organizan: Turismo de Galicia e Consellería de Cultura, Educación e Ordenación Universitaria

+info