Europa

Os Camiños cara a Compostela, Itinerario Cultural Europeo e Patrimonio Mundial: Historia, problemáticas e perspectivas

Xacobeo_jcr — Mon, 12 Feb 2024 12:36:13 +0000

A Universidade Toulouse Capitole organiza unha conferencia científica internacional para examinar os Camiños de Santiago de Compostela e o seu dobre recoñecemento, como Primeiro Itinerario Cultural do Consello de Europa e Patrimonio Mundial da UNESCO. Os temas principais refírense á historia da peregrinación, o patrimonio dos camiños, a análise do público, as cuestións da mediación e a cobertura mediática, o turismo espiritual e o turismo slow, para ofrecer unha visión única deste ben común da Humanidade. Presentaranse 44 comunicacións de 50 investigadores de 12 países que son historiadores, xeógrafos, xuristas, teólogos, sociólogos, xestores ou especialistas en ciencias políticas e ciencias da información e a comunicación.

Datas: 4 e 5 de abril de 2024

Lugar: Hôtel-Dieu Saint-Jacques, Toulouse (Francia)

Organiza: Université Toulouse Capitole

Información e inscrición: https://www.compostelle-lecolloque.org/

PROGRAMA

I Encontro de Xestores de Itinerarios Culturais do Consello de Europa en España 🗓

Xacobeo_jcr — Wed, 01 Mar 2023 09:02:18 +0000

“Desenvolvemento local, participación cidadá e preservación do patrimonio cultural”

O Ministerio de Cultura e Turismo de Galicia organizan en Santiago, na Cidade da Cultura, durante os días 8 e 9 de marzo, o segundo encontro de xestores de Itinerarios Culturais europeos en España. Participará neste congreso para técnicos especialistas a meirande parte dos 25 itinerarios europeos representados en España. Rutas de tanta significación como a do Megalitismo, a Arte Rupestre Prehistórica, os Viquingos, os Xudeus, Carlos V e o Camiño de Santiago, entre outros. Contando con conferencias específicas e mesas redondas de traballo, o obxectivo xeral deste II Encontro é desenvolver liñas de actuación para o coidado, estudo e promoción dos itinerarios europeos en territorio español, seguindo o modelo de xestión do Camiño de Santiago, declarado polo Consello de Europa, en 1987, Primeiro Itinerario Cultural europeo. A experiencia de xestión da ruta xacobea, despois do éxito promocional do Xacobeo 21-22, será moi relevante neste encontro de técnicos, no que tamén participarán representantes da Xunta de Galicia, do Ministerio de Cultura e do Instituto Europeo de Itinerarios Culturais.

Data: 8 e 9 de marzo 2023

Lugar: Sala Eisemann. Ciudad da Cultura. Santiago de Compostela

Organiza: Ministerio de Cultura y Deporte e Turismo de Galicia

Iacobus Mundi. Encontro de Cidades e Territorios Xacobeos do Mundo 🗓

Xacobeo_jcr — Fri, 30 Sep 2022 06:27:24 +0000

Encontro internacional de intercambio de saberes na xestión da mobilidade dos fluxos de peregrinación e turismo en diversas cidades do mundo vinculadas cos camiños de Santiago e a memoria histórico-cultural xacobea.

Data: 21 e 22 de outubro de 2022

Lugar: Hostal dos Reis Católicos. Santiago de Compostela

Organiza: Turismo de Galicia, Xunta de Galicia

Inscrición: cultura.xacobeo@xunta.gal
Inscrición gratuíta ata completar a capacidade do auditorio

–PROGRAMA–

Venres 21. Hostal dos Reis Católicos

09:30h – 10:00h. Inauguración oficial

MESAS DE TRABALLO

10:00 – 11:00h. Mesa Redonda 1:
A xestión do Patrimonio Mundial. Camiños de Santiago en Francia e España (I)
Agence Française des chemins de Compostelle, Camino Lebaniego, Principado de Asturias e Xacobeo-Turismo de Galicia

11:00h – 11:30h. Pausa café

11:30h – 13:15h. Mesa redonda 2:
A xestión do Patrimonio Mundial. Camiños de Santiago en Francia e España (II)
Le Puy-en-Velay, Jaca, Pamplona, Logroño, León, Bilbao e Oviedo

13. 30h. Claustro da Hospedería do Mosteiro de San Martiño Pinario

Acto de inauguración da exposición fotográfica Iacobus Mundi. Peregrinación e turismo en cidades e territorios xacobeos do mundo

13:45h. Fin de sesións mañá

16:30h – 17:30h. Mesa redonda 3:
Turismo cultural en América e o legado de Santiago. Xestión e promoción
Santiago de Querétaro, Santiago de Cuba, Santiago de Guayaquil, Santiago del Estero

17:30h – 18:00h. Pausa café

18:00 h – 19:30h. Mesa redonda 4:
Portugal e a memoria de Santiago: recuperación e xestión dos camiños xacobeos, a peregrinación a Compostela e o turismo cultural
Federação Portuguesa do Caminho de Santiago (representada por Vila Pouca de Aguiar), Santiago do Cacém, Braga e Porto

19:30h. Fin de sesións tarde

Sábado 22. Hostal dos Reis Católicos

9:30h – 11:00h. Mesa redonda 5:
Promoción de cidades, itinerarios e tradicións xacobeas en Europa (I)
Durham, Toruń, Asís, Perugia, Pistoia

11:00h – 11:30h. Pausa café

11:30h – 13:15h. Mesa redonda 6:
Promoción de cidades, itinerarios e tradicións xacobeas en Europa (II)
Provincia de Namur (Bélxica), provincia de Kujawsko Pomorskie (Polonia), Šibenik, Ljubljana e Santiago de Compostela

13:30h. Conclusións e clausura.

A Xunta de Galicia recoñece ao Consello de Europa como Embaixador do Camiño de Santiago

Xacobeo_jcr — Fri, 25 Oct 2019 07:25:16 +0000

O presidente do Goberno galego, Alberto Núñez Feijóo, informou do recoñecemento como Embaixador do Camiño ao Consello de Europa, unha figura que, tal e como recordou, foi creada en 2013 para distinguir o labor de persoas e institucións que contribuíran ao coñecemento e divulgación da ruta e dos seus valores. No caso do Consello de ... Ler máis

Os Itinerarios Culturais Europeos recolleron en Yuste o Premio Carlos V

Xacobeo_jcr — Fri, 10 May 2019 08:54:05 +0000

O Premio Europeo Carlos V recoñeceu o labor dos Itinerarios Culturais Europeos, entre os que se atopa o Camiño de Santiago, no fomento de valores como a diversidade cultural, o respecto polas identidades, o diálogo intercultural ou o intercambio e coñecemento dos países e da historia. O galardón foi entregado nunha cerimonia que se celebrou no Real Monasterio de Yuste e que estivo presidida por S.M. o rei Felipe VI. Trátase da primeira vez que o galardón outorgado pola Fundación Academia Europea e Iberoamericana de Yuste recae nunha iniciativa.

O encargado de recoller o premio da Fundación Academia Europea e Iberoamericana de Yuste foi o secretario xeral do Consello de Europa, Thorbjørn Jagland, máximo representante dos Itinerarios Culturais Europeos.

A comisaria do Xacobeo 21, Cecilia Pereira, pronunciou o discurso de agradecemento en representación dos Itinerarios Culturais Europeos.

A Xunta de Galicia coloca unha mouteira do Camiño de Santiago no Parlamento Europeo

Xacobeo_jcr — Wed, 03 Apr 2019 10:54:23 +0000

O conselleiro de Cultura e Turismo, Román Rodríguez, presidiu a colocación dunha mouteira do Camiño de Santiago no Parlamento Europeo. O dirixente autonómico, acompañado polo vicepresidente da institución comunitaria, Ramón Luís Valcárcel, descubriu este simbólico fito no acceso de visitantes da Eurocámara.

Ao longo deste acto, o conselleiro salientou que o elemento pétreo instalado no corazón da Unión Europea simboliza o Camiño de Santiago, que é “o primeiro xerme que deu lugar a unidade de Europa”. Esta mouteira compartirá espazo na entrada da Eurocámara cun anaco derribado do Muro de Berlín. Un elemento que, igual que a Ruta Xacobea, conmemora que “unha Europa unida foi e aínda é posible”.

A mouteira instalada no acceso ao Parlamento Europeo contén os principais símbolos do Camiño: a concha, un dos máis antigos e representativos da Ruta Xacobea; a frecha amarela, que indica a dirección correcta, e o punto quilómetrico que sinala a distancia de 1.318 quilómetros ata a Catedral de Santiago.

Ávila presidirá a Federación de Asociacións do Camiño de Santiago do Levante-Sueste

Xacobeo_jcr — Mon, 01 Apr 2019 10:32:59 +0000

No V Encontro de Asociacións do Camiño de Santiago do Levante Sueste, celebrado a pasada fin de semana en Medina del Campo e á que acudiron dezaseis asociacións desta ruta xacobea, debatéronse os Estatutos da Federación de Asociacións do Camiño de Santiago do Levante-Sueste para a súa aprobación, que unha vez aprobados e asinados; votouse entre todas as asociacións para a elección da Xunta Directiva, recaendo na provincia de Ávila a presidencia, durante un período de catro anos.

O obxectivo da mesma, é a revitalización desta ruta xacobea, así como fomentar a súa peregrinación nela e a atención a todos os peregrinos que pasan por este Camiño, noutro tempo esquecido e que se está a recuperar.

Os Itinerarios Culturais do Consello de Europa foron galardoados co premio Carlos V

Xacobeo_jcr — Fri, 29 Mar 2019 08:47:48 +0000

Os Itinerarios Culturais do Consello de Europa foron galardoados co Premio Carlos V, galardón de ámbito internacional que outorga a Fundación Academia Europea e Iberoamericana de Yuste e que por primeira vez na súa historia recae nun programa.

Iniciouse o programa en 1987 coa declaración de Santiago como primeiro itinerario distinguido polo Consello de Europa.

O xurado valorou que este plan fomenta os valores que unen ao vello continente e a súa diversidade cultural, á parte de fomentar o respecto polas respectivas identidades, o diálogo intercultural, máis o intercambio e coñecemento dos países coa súa historia.

O Rei, presidente de honra da fundación, presidirá o 9 de maio, Día de Europa, no Real Mosteiro de Yuste (Cáceres) o acto de entrega deste galardón, dotado con 30.000 euros.

Fonte: El Correo Gallego

VI Forum “Comuni in Cammino” a Monteriggioni

Xacobeo_jcr — Thu, 31 Jan 2019 10:40:20 +0000

A Consellería de Cultura e Turismo participará en Italia no VI Forum “Comuni in Cammino”. Via Francigena – Itinerarios Culturais Europeos, que terá lugar entre os días 1-2 de febreiro na Abbadia Isola, na vila toscana de Monteriggioni, na provincia de Siena, un territorio atravesado pola Via Francigena, ruta de peregrinación en dous sentidos: cara Roma e cara Santiago de Compostela. Neste encontro internacional, organizado polo Municipio de Monteriggioni e a Asociación Europea da Via Francigena (AEVF), participan representantes europeos de diversas rutas culturais: Os Camiños de San Olav, representado polo seu director, Hans Morten Løvrød, diversos representantes da Via Francigena, como Massimo Tedeschi, presidente da AEVF, a sra. Martine Gautheron, concelleira de Champlitte (Bourgogne-Franche-Comté) e Vicepresidente da AEVF, Emile Ney, alcalde de Bucey les Gy (Bourgogne-Franche-Comté), FabriceDe Icco, alcalde de Romainmôtier-Envy (Vaud), entre outros

Neste contexto e en representación do Xacobeo, Francisco Singul, xefe de área de Cultura Xacobea dará unha conferencia titulada “La Via Francigena incontra il Cammino di Santiago” .

Lugar: Complesso munumentale di Abbadia Isola. Monteriggioni. Siena

Data: 1 e 2 de febreiro de 2019

Organizan: Cumune di Monteriggioni, Ufficio Turistico di Monteriggioni e Via Francigena European Association

Máis información

Xornada: The Cultural Routes of the Council of Europe. Journeys of Faith and Encounter 🗓 🗺

Xacobeo_jcr — Thu, 22 Nov 2018 08:43:22 +0000

Lugar: Palais de L’Europe (Sala 6). Estrasburgo (Francia)

Data: 27 de novembro de 2018.

Organiza: Consello de Europa

Colabora: Secretariat of the Enlarged Partial Agreement on the Cultural Routes of the Council of Europe

PROGRAMA