francia

Os Camiños cara a Compostela, Itinerario Cultural Europeo e Patrimonio Mundial: Historia, problemáticas e perspectivas

Xacobeo_jcr — Mon, 12 Feb 2024 12:36:13 +0000

A Universidade Toulouse Capitole organiza unha conferencia científica internacional para examinar os Camiños de Santiago de Compostela e o seu dobre recoñecemento, como Primeiro Itinerario Cultural do Consello de Europa e Patrimonio Mundial da UNESCO. Os temas principais refírense á historia da peregrinación, o patrimonio dos camiños, a análise do público, as cuestións da mediación e a cobertura mediática, o turismo espiritual e o turismo slow, para ofrecer unha visión única deste ben común da Humanidade. Presentaranse 44 comunicacións de 50 investigadores de 12 países que son historiadores, xeógrafos, xuristas, teólogos, sociólogos, xestores ou especialistas en ciencias políticas e ciencias da información e a comunicación.

Datas: 4 e 5 de abril de 2024

Lugar: Hôtel-Dieu Saint-Jacques, Toulouse (Francia)

Organiza: Université Toulouse Capitole

Información e inscrición: https://www.compostelle-lecolloque.org/

PROGRAMA

Galicia afianza o irmandamento coa cidade francesa de Lorient colocando unha mouteira do Camiño de Santiago

Xacobeo_jcr — Tue, 06 Aug 2019 08:06:52 +0000

O conselleiro de Cultura e Turismo, Román Rodríguez, presidiu a inauguración dunha mouteira do Camiño de Santiago na Esplanade du Moustoir, en Lorient, Francia. O dirixente autonómico, acompañado polo alcalde da cidade francesa, Norbert Métairie, descubriu este simbólico fito, situado a 1.979 quilómetros da Catedral de Santiago, meta da peregrinación xacobea.

Ao longo deste acto, o titular de Cultura e Turismo salientou que o elemento pétreo instalado no corazón desta localidade francesa servirá para consolidar o irmandamento entre Galicia e Lorient, “dúas terras cun forte vencello afianzado desde hai séculos na chamada Vía turonense”, unha ruta francesa que se unía cos Camiños do Norte e co Camiño Francés, o principal itinerario cara a Santiago de Compostela. Este fito está situado fronte á sede do Concello de Lorient e moi próxima ao recinto no que se celebra o Festival Intercéltico de Lorient, onde Galicia participa na edición deste ano como territorio convidado.

A mouteira conta cos principais símbolos do Camiño: a concha, un dos máis antigos e representativos da Ruta Xacobea; a frecha amarela, que indica a dirección correcta, e o punto quilométrico que sinala a distancia ata a Catedral de Santiago.

Cultura e Turismo partica na xornada “Chemins de Sanint-Jacques-de-Compostelle, Patrimoine de L’Humanité. Et maintenat?”

Xacobeo_jcr — Tue, 04 Dec 2018 08:01:46 +0000

O director-xerente da S.A. de Xestión do Plan Xacobeo, Rafael Sánchez Bargiela, participou na primeira xornada conxunta España-Francia para as celebracións do 20ª aniversario en Francia e o 25º en España da declaración do Camiño Francés como Patrimonio Mundial.

O comité de patrimonio mundial da UNESCO, o 10 de decembro de 1993 en Cartaxena (Colombia) e o 2 de decembro de 1998 en Kyoto (Xapón), inscribiu na súa lista o ben Camiño de Santiago en España e en Francia respectivamente.

Francia e España reuníronse na localidade francesa de Saint-Jean- Pied-de- Port para celebrar este dobre aniversario e en diante traballar en estreita colaboración en torno ao Camiño de Santiago.

No programa da xornada destacaron unha reunión dos axentes franceses e españois ao redor dos retos do patrimonio mundial e das perspectivas de xestión e de desenvolvemento sustentable do Camiño de Santiago, exposicións, conferencias e un concerto.

Xornada: The Cultural Routes of the Council of Europe. Journeys of Faith and Encounter 🗓 🗺

Xacobeo_jcr — Thu, 22 Nov 2018 08:43:22 +0000

Lugar: Palais de L’Europe (Sala 6). Estrasburgo (Francia)

Data: 27 de novembro de 2018.

Organiza: Consello de Europa

Colabora: Secretariat of the Enlarged Partial Agreement on the Cultural Routes of the Council of Europe

PROGRAMA

Exposición: Compostelle le Patrimoine en Commun

Xacobeo_jcr — Wed, 21 Nov 2018 08:24:01 +0000

20º Aniversario da inscrición da Tour Saint-Jacques, como parte do conxunto monumental do Camiño de Santiago en Francia, na lista do Patrimonio Mundial Lugar: Mairie du 5 arrondissement Dirección: 21 place du Panthéon, 75005 París Data: do 5 ao 15 de decembro de 2018 Horario: de luns a venres de 10:00 a 17:00 h, sábados ... Ler máis

Premier Festival de Cinéma Compostelle en Europa

Xacobeo_jcr — Tue, 20 Nov 2018 08:22:47 +0000

20º Aniversario da inscrición da Tour Saint-Jacques, como parte do conxunto monumental do Camiño de Santiago en Francia, na lista do patrimonio mundial

Data: 28, 30 de novembro e 4 de decembro de 2018
Hora: 19:00

Lugar: Instituto Cervantes de París
Dirección: 7 rue Quientin- Bauchart, 75008 París

Organiza: Compostelle 2000

Galicia participou na Asemblea Xeral da Fédération Française des Associations des Chemins de Compostelle

Xacobeo_jcr — Tue, 13 Nov 2018 09:12:41 +0000

A pasada fin de semana tivo lugar a Asemblea General da Fédération Française des Associations des Chemins de Compostelle celebrada en Saint Jean Pied de Port, lugar emblemático do Camiño Francés.

Nesta Federación están integradas un total de 45 colectivos xacobeos de toda Francia, que traballan con intensidade nunha tripla dimensión cos peregrinos: informar, preparar e ofrecer acollida e hospitalidade ao longo dos 17.000 km marcados en Francia e mesmo noutros itinerarios en España.

Participaron nesta Asemblea en torno a 160 persoas, así como representación do movemento asociativo xacobeo de España, Bélxica, Inglaterra e Alemaña.

Francia que ten sido o gran impulsora da reactivación do Camiño de Santiago dende os anos cincuenta do pasado século cando foi creada en París a primeira asociación xacobea, a Societé Française des Amis de St. Jacques de Compostelle, nos último anos viven unha menor dinámica coa chegada de unicamente 8.600 peregrinos (igual que no ano 2012).

A Xunta de Galicia estivo representada polo xerente do Xacobeo, Rafael Sánchez Bargiela, que presentou ao movemento xacobeo francés o traballo que desenvolve a Xunta de Galicia en torno ao Camiño de Santiago e, especialmente, a colaboración coas Asociacións de Amigos do Camiño de Santiago, informándolles das axudas que anualmente se convocan. Sánchez Bargiela falou tamén dos preparativos para o vindeiro Xacobeo 2021 e da necesidade de implicar a todos os axentes que traballan no Camiño de Santiago nesta celebración.

Completou a presenza da Xunta de Galicia unha conferencia de Francisco Singul, responsable da área de cultura xacobea do Xacobeo, que ofreceu unha panorámica histórica do Camiño de Santiago e da meta da peregrinación, a cidade e catedral de Santiago de Compostela.

Importante reunión das Federacións de España e Francia do Camiño de Santiago

Xacobeo_jcr — Mon, 25 Jun 2018 07:15:00 +0000

O Centro de Estudos e Documentación do Camiño de Santiago, con sede no Real Mosteiro de San Zoilo de Carrión de los Condes (Palencia), foi o lugar elixido pola Federación Española de Asociacións de Amigos do Camiño de Santiago e a Fédération Française deas Associations deas Chemins de Saint Jacques de Compostelle para manter unha importante reunión que serviu, non só para coñecer as actividades xacobeas destas entidades, senón tamén para marcar un plan de colaboración cara o futuro en temas como sinalización, hospitaleiros, e un programa común para compartir e dar a coñecer a documentación histórica destas Federacións a través da dixitalización documental e a súa posterior difusión online.

Á reunión, celebrada durante este fin de semana, asistiron non só os presidentes das Federacións española e francesa senón tamén o Xerente do Xacobeo, entidade aglutinadora pertencente á Xunta de Galicia, Rafael Sánchez. Pola parte francesa estiveron presentes o Presidente, Philippe Demarque, o Coordinador de Relacións Exteriores e o Presidente da Rexión de Gradignan; mentres que pola parte española, a Luís Perrino, Presidente, acompañáronlle o Coordinador de Relacións Exteriores de España, a responsable do Programa de Hospitalieros Voluntarios e o Director do Centro de Estudos e Documentación do Camiño.

A importancia da reunión recae en que, por vez primeira, dúas Federacións de Europa realizan proxectos en común, como é o inventario do Patrimonio Xacobeo e a realización de actividades conxuntas no tema da hospitalidade, que aínda que actualmente existe entre España e outros moitos países, agora preténdese canalizar e coordinar de forma conxunta. Neste aspecto foi moi interesante a presenza do Xerente do Xacobeo con quen se analizou tamén outro tipo de relacións de proxección do Camiño en España e en Europa, non só con vistas ao próximo Xacobeo 2021, senón tamén a necesidade de que nestes anos anteriores se trabálle activamente xa que, como se recoñeceu na reunión, o Camiño é un Ben Permanente que aínda que ten o seu momento álxido nos Anos Santos, é algo que está en funcionamento todos os anos.

Fonte: Federación Española de Asociacións de Amigos do Camiño de Santiago

Encontro “Marcher pour guérir” (Toulouse)

Xacobeo_jcr — Mon, 11 Jun 2018 11:38:16 +0000

Con motivo do 20 aniversario da inscrición dos “Camiños de Santiago de Compostela en Francia” como Patrimonio da Humanidade, ACIR Compostelle, a Fédération Patrimoine- Environnement, o Semanario Pèlerin, o Monde da Bible, o Centre Hospitalier Universitaire ( CHU) de Toulouse e o Concello de Toulouse propoñen un encontro ao redor dos vínculos entre patrimonio, rutas e saúde, que reúne ás asociacións, os colectivos e os medios da saúde, privada e pública.

Datas : 19 e 20 de xuño de 2018

Lugar: Hôtel-Dieu. Toulouse (Francia)

Organiza: ACIR – Agence de Coopération Interrégionale et Réseau

Inscrición: http://urlz.fr/6O3P
ACIR Compostelle:
4, rue Clémence Isaure – 31 000 Toulouse
05 62 27 00 05 – accueil@chemins-compostelle.com

Programa: Marcher-pour-guerir

Pilgrimage: The Road To Santiago

Xacobeo_jcr — Wed, 14 Mar 2018 07:36:17 +0000

Pilgrimage: The Road To Santiago, é unha nova serie de tres episodios sobre viaxes que emitirá a BBC Two, sete rostros famosos desposúense das súas comodidades cotiás para vivir como peregrinos modernos mentres fan o Camiño de Santiago.

Con pouco máis de dúas semanas para abordar este antigo camiño, o actor Neil Morrissey, a artista Debbie McGee, o comediante Ed Byrne, a cantante Heather Small, o sacerdote Kate Bottley, o xornalista Raphael Rowe e o presentador de televisión JJ Chalmers percorren Francia e o norte de España ata a catedral de Santiago de Compostela.

O grupo, formado por unha variedade de crenzas, que inclúe a cristiáns, ateos e humanistas, vivirá como simples peregrinos. Pero, esta viaxe cambiará a maneira en que pensan acerca deles mesmos e a súa fe?

A medida que se moven ao longo da ruta a través de vastas cadeas montañosas e cegadoras paisaxes en Francia e España, o grupo explora as súas diferentes crenzas relixiosas, adhírese á tarefa física e atopa humor cando se dan conta do que significa vivir como un simple peregrino.

Primeiro episodio: 16 de marzo de 21:00 a 10:00 h (BBC Two)

Na foto: Kate Bottley, Raphael Rowe, Neil Morrissey, JJ Chalmers, Ed Byrne, Debbie McGee y Heather Small