Portugal

Concurso Internacional de Fotografía “Barcelos no Caminho de Santiago”

Xacobeo_jcr — Fri, 02 Jun 2023 07:23:38 +0000

A Asociación ACB – Albergue Cidade de Barcelos promove, durante 2023, a 1ª Edición do Concurso Internacional de Fotografía: “Barcelos no Caminho de Santiago” 2023. Esta 1ª Edición ten como principais obxectivos: fomentar a participación cidadá asociada ao Camiño Portugués de Santiago, a peregrinación e a hospitalidade xacobea; potenciar a difusión de Barcelos no Camiño de Santiago, así como a promoción do Camiño de Santiago.

A primeira fase do concurso (envío de fotos) esténdese ata o 31 de xullo de 2023.

Bases: https://www.alberguedebarcelos.com/post/1a-edicao-do-concurso-de-fotografia-barcelos-non-caminho-de-santiago-2023

Esta iniciativa conta co apoio de MegaBarcelos e FotoRodas.

Sesión de presentación do “Camiño de Santiago – Camiño de Torres”

Xacobeo_jcr — Tue, 13 Jul 2021 07:44:18 +0000

Data: 16 de xullo ás 18:00 h

Lugar: Cidade da Cultura de Galicia. Santiago de Compostela

Organiza: Caminhos de Santiago. Caminho de Torres

PROGRAMA

Exposición: Vía Lusitana. O espazo Xacobeo no Norte de Portugal e Galicia 🗓

Xacobeo_jcr — Tue, 08 Jun 2021 08:08:22 +0000

A peregrinación á tumba do apóstolo Santiago o Maior, con mil douscentos anos de historia, foi consagrada como feito colectivo da cultura occidental, piar da conciencia común e da identidade do Vello Continente, acadando a consideración para esta ruta universal, por parte do Consello de Europa, como primeiro itinerario cultural europeo, e recibindo a categoría de patrimonio mundial da UNESCO.

Dentro da complexidade da rede de vías xacobea que conforman o Camiño de Santiago, a Vía Lusitana é unha das de maior prestixio, forxada entre Portugal e Galicia dende a Idade Media. Un percorrido sacro que foi quen de crear ao longo dos séculos un vínculo espiritual e cultural entre os pobos irmáns, sendo tamén ruta internacional para moitos peregrinos de orixe extra-peninsular, todos eles beneficiados pola hospitalidade e as vellas tradicións da peregrinación occidental. A Vía Lusitana, en definitiva, é un itinerario espiritual e histórico que, no espazo específico do norte de Portugal e Galicia, propicia hoxe en día unha conexión persoal coa memoria compartida e a comuñón coa beleza dunha xeografía sagrada que favorece a comunicación do peregrino con todo o creado, coa natureza, a arte e as tradicións, pero tamén cos compañeiros de ruta e consigo mesmo, como corresponde a un espazo de introspección e de encontro, unha vía de intercambio e entendemento na forxar o futuro común.

Lugar: Sala Campolongo. Edificio Administrativo da Xunta

Dirección: Avda. María Victoria Moreno, nº 43. Pontevedra

Data: do 9 de xuño ao 11 de xullo de 2021

Organizan: República Portuguesa e Xunta de Galicia

Conversas com Caminho

Xacobeo_jcr — Mon, 19 Oct 2020 10:22:24 +0000

Datas: 30 de outubro, 30 de novembro e 30 de decembro de 2020

Transmisión: ás 21:00 h.

Organiza: Associação Espaço Jacobeus

I Jornada Internacional de Estudos Jacobeus

Xacobeo_jcr — Tue, 13 Oct 2020 12:38:36 +0000

Aprazouse pola situación derivada do COVID-19

Data: 29 e 30 de outubro de 2020

Lugar: Auditório do Colégio de Santo António da Padreira. Coímbra. Portugal

Organizan

Cátedra Institucional do Camiño de Santiago e das Peregrinacións
(CICSP – Universidade de Santiago de Compostela)
Centro de História da Sociedade e da Cultura
(CHSC – Universidade de Coimbra)
Centro Interuniversitário de Estudos Camonianos
(CIEC – Universidade de Coimbra)

INSCRICIÓN E INFORMACIÓN (limite – 25)

Público en xeral: 10 €
Estudantes e membros do CIEC e do CHSC: 5€
jornadajacobeia@gmail.com
www.facebook.com/ciec.camoes
Enderezo zoom:
https://videoconf-colibri.zoom.us/j/88046182488?pwd=alRYd0xTL3Jyb05RWG8waGcyeE
G8waGcyeE9HZz09
ID: 733256

PROGRAMA

Presentouse en Vigo a Federación Portuguesa dos Camiños de Santiago

Xacobeo_jcr — Thu, 17 Oct 2019 06:35:55 +0000

A Xunta destacou a alianza entre Galicia e Portugal para impulsar novos proxectos conxuntos no Camiño de Santiago. Durante a presentación da Federación Portuguesa dos Camiños de Santiago, o conselleiro de Cultura e Turismo, Román Rodríguez, e a delegada da Xunta en Vigo, Corina Porro, resaltaron a colaboración entre o Goberno galego e as institucións lusas nun número crecente de proxectos de mellora, salvagarda e valorización das rutas xacobeas en ambos territorios. Neste contexto, coincidiron no papel cada vez máis relevante de Vigo como enlace do Camiño de Santiago con Portugal, que se está a reforzar na antesala do Xacobeo 21.

A nova federación está formada por máis de 60 entidades entre asociacións de amigos do Camiño, concellos e institucións académicas, suporá un paso clave na promoción da Ruta Xacobea e na difusión do seu legado cultural e histórico.

Portugal promociona dous itinerarios do Camiño de Santiago no Alentejo e Ribatejo

Xacobeo_jcr — Thu, 05 Sep 2019 06:41:49 +0000

A comisaria do Xacobeo 21, Cecilia Pereira, participou en Portugal no lanzamento oficial de dúas rutas do Camiño de Santiago no Alentejo e Ribatejo. Trátase dun proxecto que, baixo o lema Un segredo ben gardado, vai sinalizar e fomentar estes dous grandes itinerarios, maioritariamente rurais, que en total suman máis de 900 quilómetros xa sinalizados.

Concretamente, o proxecto desenvolvido por Turismo do Alentejo e Ribatejo, en colaboración coa Xunta de Galicia e con diferentes entidades vinculadas ao Camiño de Santiago, contempla a sinalización de dous trazados: o Caminho Nascente e o Caminho Central. Estes dous itinerarios, moi diferentes en costumes e tradicións nos que os peregrinos se atopan con paisaxes e experiencias complementarias, atravesan 30 municipios do país veciño.

O Conselho de Ministros de Portugal aprobara o decreto-lei que regula a valorización e promoción do Camiño de Santiago

Xacobeo_jcr — Mon, 11 Feb 2019 08:29:40 +0000

O Conselho de Ministros de Portugal aprobara o decreto-lei que regula a valorización e promoción do Camiño de Santiago, a través da certificación dos seus itinerarios e da creación dun órgano de coordinación nacional na Ruta Xacobea.

A Xunta de Galicia, a través da Consellería de Cultura e Turismo, vén colaborando desde 2015 coas autoridades lusas no impulso desta regulación. De feito, nos dous últimos anos participou nalgunhas das reunións e consultas sobre o borrador do decreto-lei, co obxectivo de que exista unha harmonización coa xestión que se realiza en Galicia e España ao redor do Camiño de Santiago. De feito, tense asumido como referencia as directrices de sinalización aprobadas polo Executivo español e as comunidades autónomas no Consejo Jacobeo.

O decreto busca definir os criterios comúns aplicables ao recoñecemento oficial do Camiño de Santiago, a súa salvagarda, valorización e promoción. Con este fin, prevese crear a Comissão Executiva do Caminho de Santiago (CECS), como órgano de coordinación no ámbito nacional portugués, así como un Conselho Científico do Caminho de Santiago.

Esta aprobación abre unha nova etapa na xestión do Camiño de Santiago en Portugal e, paralelamente, un novo ámbito de colaboración entre Galicia e Portugal, ampliando o alcance da estreita cooperación mantida entre ambos territorios durante os últimos anos. Neste sentido, o decreto-lei permitirá comezar a traballar conxuntamente en torno á peregrinación a Compostela co obxectivo inmediato da celebración do Xacobeo 2021.

Exposición: DE MAR A MAR. O Camiño de Santiago en 3D (Valença)

Xacobeo_jcr — Mon, 10 Dec 2018 11:36:38 +0000

A exposición 3D De Mar a Mar. O Camiño de Santiago en 3D é unha mostra de fotografía en tres dimensións, con pezas espectaculares e de grande formato, realizadas coa técnica estereográfica. Unha exposición que presenta imaxes dos camiños, patrimonio, paisaxes e peregrinos do Camiño Inglés, do Camiño de Fisterra e Muxía, do Camiño Portugués e do Camiño Portugués da Costa.

O título desta mostra, fai referencia a ese mar das rutas atlánticas co que principia a exposición, ao mar das costas lusitana e galega, tan ligado aos camiños portugueses de peregrinación a Santiago, para rematar, unha vez se chega a Compostela, no océano aberto da Costa da Morte, final físico e simbólico do camiño a Fisterra e Muxía.

Espazo: Arquivo Municipal
Dirección: Rua Mouzinho de Albuquerque. 4930-745 Valença

Datas: do 12 ao 31 de decembro de 2018
Horario da exposición: Luns a venres de 09:00 a 12:30 e de 13:30 a 17:00 h

Organiza: Turismo de Galicia. Xunta de Galicia
Colabora: Câmara Municipal de Valença

Exposición: DE MAR A MAR. O Camiño de Santiago en 3D (Braga)

Xacobeo_jcr — Fri, 26 Oct 2018 11:11:11 +0000

Espazo: Sala de exposicións do Centro Interpretativo da Memórias da Misericordia de Braga
Dirección: Palacio do Raio. Rua do Raio, 400. Braga

Datas: do 30 de outubro ao 9 de decembro de 2018
Horario da exposición: martes a sábado de 10:00 a 13:00 e de 14:30 a 18:30 h

Organiza: Turismo de Galicia. Xunta de Galicia
Colabora: Santa Casa da Misericórdia de Braga