A entrega da distinción terá lugar o 22 de xaneiro de 2026, coincidindo coa celebración de Fitur, no Palacio de Cibeles, en Madrid.

A Rede Pública de Albergues do Camiño de Santiago, depende de Turismo de Galicia a través da S.A. de Xestión do Plan Xacobeo, e está formada por setenta e seis centros aloxativos que oferta máis de máis de tres mil catrocentas prazas.

O premio recoñece o esforzo da Xunta de Galicia pola calidade e a sustentabilidade. No ano 2025, 25 albergues de peregrinos da rede pública do Xacobeo acadaron a certificación de S de Sostibilidade Turística. En total, están acreditados con esta marca 31 albergues galegos.

A comunidade galega é a segunda en números absolutos en certificacións Q de Calidade Turística en España, só por detrás de Andalucía. Neste sentido, conta con certificación Q un total de 322 establecementos repartidos polo territorio galego.

No que atinxe á S de Sustentabilidade, en 2025 están acreditados un total de 108 establecementos, empresas, infraestruturas e recursos da comunidade galega que ocupa a terceira posición en números absolutos.

O primeiro albergue público da cidade de Ferrol, que comezará a funcionar en xullo, está ubicado na antiga hospedería da Casa do Mar. Rueda resaltou que vai ser o albergue con maior capacidade de todo o Camiño Inglés -ao dispoñer de 60 prazas- e contará cunhas instalacións que garantan a accesibilidade e a eficiencia enerxética.

Coa apertura deste albergue, a rede pública galega contará con 76 centros de acollida aos peregrinos, dos que sete se atopan no Camiño Inglés. Rueda resaltou a importancia do Camiño de Santiago non conxunto do turismo da comunidade.

A ambientación conta con diferentes elementos que evocan a historia do Camiño de Santiago: luz, son e atrezo aproveitando as peculiaridades dos distintos albergues, froito de interesantes restauracións arquitectónicas de cada edificio.

A temática e o contido será a mesma, pero farase unha creación a medida para cada albergue, adaptando as probas a cada espazo.

Seguirase un guión en toda a actividade, resolvendo unha misión e deixando unha pista ou proba para resolver no Escape Room Final.

Próximos Albergues:

ALBERGUE JUAN MANUEL LÓPEZ CHAVES. VIGO – CAMIÑO PORTUGUÉS DA COSTA
Do 7 ao 18 de abril de 2022

ALBERGUE ELIGIO RIVAS QUINTAS. OURENSE – CAMIÑO MOZÁRABE OU VÍA DA PRATA
Do 22 de abril ao 1 de maio de 2022

ALBERGUE CASA FORTE DE LUSIO. SAMOS – CAMIÑO FRANCÉS
Do 6 ao 22 de maio de 2022

Dáse a posibilidade de que os participantes poidan aloxarse unha noite no albergue Casa Forte de Lusio en Samos.

Organiza: Turismo de Galicia. Xunta de Galicia

Enderezo electrónico para reservas e inscrición: reservaslucusescaperoom@gmail.com

A conselleira de Medio Ambiente, Territorio e Vivenda, Ángeles Vázquez, participou na presentación desta iniciativa pioneira que se puxo en marcha en 2016, á que tamén asistiron a directora de Turismo de Galicia, Nava Castro; a directora xeral de Calidade Ambiental, Sostibilidade e Cambio Climático, Sagrario Pérez; o director de xestión local e autonómica de Ecoembes, Ángel Hervella; e o alcalde de Santiago, Xosé Sánchez Bugallo.

O proxecto chegará nesta edición a 174 ecoalbergues da comunidade, entre eles todos os da rede pública da Xunta nos Camiños Francés, Portugués, do Norte, Inglés, e tamén do Primitivo ao que se estende este ano a campaña. En total, participan no 400 albergues, xa que forman parte da iniciativa xunto con Galicia outras comunidades como Asturias, Castela e León, A Rioxa e Navarra.

Os 174 ecoalbergues galegos xa están equipados para fomentar a reciclaxe nas distintas rutas xacobeas con puntos de reciclaxe, así como kits con carteis didácticos, 71.600 bolsas reutilizables para entregar aos peregrinos evitar a basuraleza e Compostelas do Peregrino coas que acreditar aos camiñantes ecoperegrinos. Tamén se suman nesta edición 10 oficinas de turismo da comunidade, ás que se lle entregarán papeleiras para reciclar, carteis e un mapa cos establecementos adheridos.

A Xunta tivo en conta a petición feita pola Asociación dos Amigos dos Pazos, avalada por unha trintena de entidades e persoeiros de Vigo, para que o primeiro albergue público da cidade de Vigo recoñeza a figura de López-Chaves Meléndez, quen impulsou o Camiño Portugués, que hoxe é a segunda ruta máis frecuentada polos peregrinos, e recuperou o valor histórico da variante da Costa, o único dos itinerarios oficiais que pasa por Vigo. O seu incansable labor de pescuda histórica e promoción do fenómeno xacobeo foi fundamental para que, no ano 1987, o Camiño de Santiago fose declarado Primeiro Itinerario Cultural Europeo.

O proxecto de reforma na antiga Hospedaría situada no último andar da Casa do Mar permitirá que a cidade de Ferrol conte cun novo albergue para o aloxamento dos peregrinos que se acheguen a esta cidade.

O Plan Director e Estratéxico do Camiño de Santiago 2015-2021 inclúe o Plan de Albergues, que recolle a mellora e creación de novos albergues de peregrinos. Dende 2015 as actuacións de mellora da Rede Galega de Albergues están supoñendo un investimento de 15,7 millóns de euros, onde se encadra o investimento da creación do albergue de Ferrol.

O conselleiro en funcións realizou este balance durante a inauguración das novas instalacións do albergue de Pontevedra no que a Xunta realizou un investimento próximo aos 200.000 euros. O proxecto inclúe a construción dun novo pavillón intependente no que se habilitaron dez liteiras en pranta baixa que supoñen 20 prazas máis.

Tamén se creou unha sala multiusos na planta baixocuberta e, aproveitando os traballos, foi acondicionado o xardín de camelias para aumentar os espazos de descanso dos peregrinos e se mellorou e dotou de sistema de rego automático. Adicionalmente, contarase cun sistema de illamento térmico para afondar na sustentabilidade do Camiño de Santiago.

Esta ampliación enmárcase no Plan de Albergues posto en marcha pola Xunta de Galicia na antesala do Xacobeo 2021 co que está a acometer diferentes actuacións de mantemento e mellora nos albergues públicos para dar resposta ás novas demandas.

Con estas actuacións, o albergue de peregrinos de Pontevedra pasa de contar con 72 prazas a 92, converténdose así no de maior capacidade do Camiño Portugués, una ruta onde a Rede Pública de Albergues conta con dez aloxamentos públicos que manteñen viva a tradición da hospitalidade xacobea.

O sistema facilitará as reservas desde o día anterior ata as 13,00 horas do día de pernoita, o que convivirá coa posibilidade de obter praza ao chegar ao establecemento sempre que este dispoña de capacidade, facendo así compatible este sistema co espírito máis tradicional de acollida xacobea. Ademais, a través desta plataforma é posible realizar reservas para grupos de ata cinco persoas. Non é preciso rexistrarse, aínda que esta aberta esta opción para axilizar o proceso.

Para reservar a súa praza, os usuarios deben completar o seu nome, correo electrónico, data da reserva e, de xeito opcional, un teléfono de contacto. Trátase dunha iniciativa posta en marcha pola Xunta enmarcada no programa Camiño Seguro para facilitar a peregrinación na etapa poscovid-19 cunha maior certeza e seguridade.

Na actualidade o Mosteiro de Oseira conta cunha nave destinada a acoller a grupos. Trátase dun espazo con problemas importantes de humidade e accesibilidade que non ten posibilidade de ventilación e iluminación natural. Para mellorar as condicións e ofrecer unha maior capacidade, o proxecto propón reconverter unha das naves abandonadas para crear un albergue de peregrinos recuperando un espazo con importante valor patrimonial.

Concretamente, as actuacións contemplan a renovación das instalacións mantendo o uso de albergar grupos e dotándoas de instalacións sanitarias accesibles e adecuadas. Ademais, rehabilitarase un dos alpendres, ampliando o seu espazo, para crear o novo albergue de peregrinos. Trátase dunha construción que permitirá poñer en valor unha edificación en desuso e que contará con dormitorios, aseos e espazos comúns.

Ao remate deste proceso, o Mosteiro de Oseira contará con dúas dependencias destinadas a peregrinos plenamente integradas e conectadas por unha cuberta horizontal ofrecendo unha sensación de calma e intimidade aos visitantes nun espazo histórico próximo ao trazado xacobeo. Ademais, a proposta da Xunta reserva a idea de converter nun futuro o antigo colexio nun centro de recepción dos visitantes que acoden ao conxunto monacal.

O establecemento, que se atopa integrado no conxunto do santuario da Nosa Señora da Laxe, terá unha superficie de 325 metros cadrados e contará con 30 novas prazas, dúas delas para persoas con mobilidade reducida. Trátase dun dos proxectos contemplados o Plan de Albergues do Goberno galego para a reforma e diversificación dos establecementos rede pública coa vista no Xacobeo 2021.

Segundo recolle o proxecto, realizarase unha nova distribución de espazos, actuacións de eficiencia enerxética así como accións de rehabilitación e restauración de elementos de valor patrimonial. No que atinxe á mellora eficiencia enerxética, un dos obxectivos do Plan de Albergues, procederase á rehabilitación das envolventes da edificación, readaptando a distribución interior ás necesidades e recuperando aqueles elementos esenciais na definición da súa arquitectura como a antiga lareira, o lavadoiro de pedra ou os muros de pedra.

O novo albergue disporá de dúas plantas. Na planta baixa situarase a zona de recepción e atención ao peregrino, a zona de lecer, cociña e comedor, así como un dormitorio con baño adaptado a persoas con mobilidade reducida e un cuarto de limpeza. Na edificación auxiliar instalarase unha zona de servizos, ademais dun cuarto para bicicletas. Na planta alta desenvolveranse a zona de dormitorios, con dúas estancias amplas para aloxar aos peregrinos e aseos para ambos sexos. O prazo de execución das obras será de doce meses.