Santiago Apóstolo

Solemnidade do Apóstolo Santiago 2023

Xacobeo_jcr — Mon, 17 Jul 2023 07:20:23 +0000

A Xunta restaura o mural de Urbano Lugrís ‘Translación do corpo do Apóstolo a Santiago’

Xacobeo_jcr — Mon, 13 Feb 2023 11:35:24 +0000

O conselleiro de Cultura, Educación, FP e Universidades, Román Rodríguez, presentou o mural de Urbano Lugrís Translación do corpo do Apóstolo a Santiago, obra que a Xunta de Galicia vén de restaurar e recuperar para o patrimonio público e que se exhibe xa de xeito permanente na entrada principal do Museo Centro Gaiás da Cidade da Cultura de Galicia.

O mural de Lugrís narra cunha fonda carga simbólica o relato da traslatio do corpo de Santiago ao seu sepulcro en Santiago de Compostela. O artista reinterpreta este relato relixioso desde a súa poliédrica ollada, poboada dun detallado mundo onírico con influencias que van desde o surrealismo francés de Magritte á pintura metafísica italiana, representada por nomes como Chirico ou Carrá.

A obra nace como un encargo efectuado polo desaparecido Sanatorio Álvarez, de Santiago de Compostela, situado no número 7 da rúa Doutor Teixeiro, pola grande amizade que unía a Lugrís co médico vigués Manuel Álvarez. Realízase, como parte dun conxunto de varios murais, arredor do ano 1957, coincidindo coa época de maior esplendor artístico do pintor. Tras o peche do complexo sanitario compostelán, os murais que albergaba son adquiridos por diferentes coleccións públicas e privadas.

O mural Translación do corpo do Apóstolo a Santiago instalarase nun pequeno negocio hostaleiro de Compostela e é posteriormente vendido á Galería de Arte José Lorenzo, onde permaneceu desde 2005. En 2022, a Xunta de Galicia, a través da Fundación Cidade da Cultura, adquire o mural tras o certificado favorable do Consello Superior de Valoración de Bens Culturais de Interese para Galicia.
Traballos de restauración

A obra, dunhas dimensións de 167 por 216 centímetros e un peso de arredor de 350 quilogramos, está realizada coa técnica de pintura mural sobre parede de cemento, ladrillo e estucado, contando cun marco de ferro que serve de soporte ao conxunto. O seu traslado á Cidade da Cultura requiriu un equipo técnico especializado na manipulación de bens artísticos.

Presentación do libro “La génesis del renacimiento jacobeo contemporáneo” 🗓

Xacobeo_jcr — Tue, 31 May 2022 10:08:59 +0000

La génesis del renacimiento jacobeo contemporáneo sorprende porque coloca directamente ante o lector a catro grandes personalidades eclesiásticas europeas dacabalo entre o século XIX e XX: Papa León XIII, Cardeal Miguel Payá, e os sacerdotes e historiadores Louis Duchesne e Antonio López Ferreiro, quen por medio dos seus actos e escritos protagonizan o renacemento da peregrinación a Santiago de Compostela desde a “reinventio” de 1879 ata os nosos días.

Edita: Federación Española de Asociaciones de Amigos del Camino de Santiago

Día: 6 de xuño

Hora: 19:30

Lugar: Salón Intinere de San Martiño Pinario. Santiago de Compostela

I Congreso Xacobeo de Pensamento Multidisciplinar

Xacobeo_jcr — Tue, 04 Jan 2022 10:31:26 +0000

Data: 27 e 28 de xaneiro de 2022

Lugar: Salón de Actos do Instituto Teolóxico Compostelán – San Martiño Pinario

Organizan: Pastoral Universitaria e Instituto Teolóxico Compostelán

Ciclo de conferecias da Archiconfraría Universal do Apóstolo Santiago

Xacobeo_jcr — Tue, 14 Sep 2021 07:00:13 +0000

A Archicofranría Universal do Apóstolo Santiago organiza neste ano 2021 un ciclo de conferencias en liña con motivo do Ano Santo Compostelán.

Xoves, día 16 de setembro. 18.00 horas.
Conferencia de Maximino Zumalave Caneda. A música no Camiño e os cantos de peregrinos.

Xoves, día 23 de setembro. 18.00 horas.
Conferencia de Mons. Julián Barrio Barrio. A linguaxe divina da esperanza no Ano Santo.

Poderanse seguir a través da ligazón que será difundido o mesmo día da conferencia a través do correo electrónico e a web www.archicofradia.org.

A Xunta licita a restauración do retablo maior da Igrexa de Santiago en Pontedeume

Xacobeo_jcr — Mon, 22 Mar 2021 09:01:03 +0000

O templo −que se atopa no Camiño Inglés− está protexido polo seu valor cultural ao estar incluído no catálogo de protección do PXOM. Así mesmo faise mención ao seu valor cultural na declaración da comarca eumesa como conxunto histórico.

As principais actuacións consistirán na limpeza e recuperación da imaxe de Santiago Sedente e o sagrario, na adecuación da zona do sagrario antedita para continuar a lectura do banco pétreo (axuste dos sillares en relación co banco existente, encintados con morteiro de cal), na limpeza da superficie, no reforzo dos elementos metálicos e ancoraxes, tratamentos na estrutura, na restauración dos lenzos, na limpeza de vernices oxidados, nos repintes puntuais e reintegración cromática e na realización dun fondo e unha cruz para a desaparecida fornela central, co obxecto de recuperar unha lectura unitaria do conxunto.

A igrexa de Santiago da súa traza orixinal só se conserva a capela maior, edificada en 1538, por encargo de Fernando de Andrade e Pérez das Mariñas. Debido a un incendio no tempo foi reconstruído no século XVIII, baixo o mandato do arcebispo Raxoi. Caracterízase por contar cunha gran bóveda estrelada.

Ciclo de conferencias Onde vas, peregrino?

Xacobeo_jcr — Wed, 28 Aug 2019 06:47:55 +0000

A Archiconfraría do Apóstolo Santiago presenta o programa da sexta edición do ciclo de conferencias Onde vas, peregrino? que transcorrerá entre os meses de maio a setembro deste ano 2019.

As conferencias celebraranse no Hostal dos Reis Católicos ás 19 horas e nas datas sinaladas no programa.

Todas as sesións son de acceso libre.

3 de setembro
Conferencia Santiago o Maior no Breviarium Apostolorum
Relator: José Carracedo Fraga

5 de setembro
Conferencia O ” Batafumeiro” da Catedral de Santiago: Incenso litúrxico, único no mundo, que funciona nas cerimonias máis solemnes daquela basílica
Relator: José Carro Otero

10 de setembro
Conferencia As imaxes do Apóstolo Santiago e a cuestión da “verdade” iconográfica
Relator: Ángel González Fernández

PROGRAMA

Inaugúrase unha estatua a Santiago Apóstolo, patrón de Guayaquil

Xacobeo_jcr — Mon, 13 May 2019 07:37:47 +0000

A comisaria do Xacobeo 2021, Cecilia Pereira, participou, xunto co embaixador de España en Ecuador, Carlos Abella y de Arístegui, no acto conmemorativo en honra ao Apóstolo Santiago na cidade de Guayaquil.

Durante o mesmo, procedeuse ao descubrimento dunha estatua en bronce de Santiago Apóstolo, creada por Nixon Córdoba. O monumento resalta a iconografía de Santiago peregrino e a importancia do Camiño de Santiago para a historia universal. Cómpre destacar que Santiago Apóstolo é o patrón de Guayaquil e o Santo preséntase sobre o Cerro de Santa Ana, orixe primixenio da vila.

A instalación deste monumento enmárcase na apertura do Paseo e da Praza de España, situada á entrada do Puerto de Santa Ana, e, con ambos fitos, ponse de manifesto a estreita relación da peregrinaxe a Santiago co país sudamericano. De feito, o ano pasado chegaron a Santiago polas diferentes rutas xacobeas 457 peregrinos ecuatorianos, un 10% máis que no 2017.

Conferencia: Santiago peregrino e Santiago cabaleiro: iconografía xacobea e memoria visual do culto ao Apóstolo

Xacobeo_jcr — Wed, 14 Nov 2018 08:39:39 +0000

Relator: Francisco Singul

Data: 20 de novembro de 2018
Hora: 19:30

Lugar: Cátedra do Camiño de Santiago e das Peregrinacións
Dirección: Rúa das Carretas, 33, Santiago de Compostela

Organiza: Cátedra do Camiño de Santiago e das Peregrinacións
Colaboran: Catedral de Santiago, Universidade de Santiago e Consellería de Cultura e Turismo

Solemnidade do Apóstolo Santiago 2018

Xacobeo_jcr — Fri, 13 Jul 2018 10:40:18 +0000

O próximo día 15 de xullo dará comezo na S.A. M.I. Catedral de Santiago, ás 19.30 horas, a tradicional Novena na honra do Apóstolo Santiago.

Contará coa presenza do Ilmo. Sr. D. Antonio Calvo, Universidade Pontificia de Salamanca (os días 15 ao 17 de xullo), do Ilmo. Sr. D. Luís Antonio García Lagarda, Deán do Cabildo de Zaragoza (os días 18 ao 20 de xullo) e do Ilmo. Sr. D. José Leonardo Lemos Montanet, Bispo de Ourense (os días 21 ao 23 de xullo).

D. Julián Barrio Barrio, Arcebispo de Santiago presidirá as Vésperas Solemnes do día 24 de xullo e a Misa Pontifical e Ofrenda Nacional do día 25, onde exercerá como Delegado Rexio D. Miguel Angel Santalices, presidente do Parlamento de Galicia.