Baixo o título Xacobeo. As Pegadas do Camiño, a exposición engloba diferentes liñas temáticas e toma como eixo os distintos significados que ten a palabra “pegada”. Expóñense un total de 211 pezas orixinas, das que máis de 100 pertencen aos fondos e coleccións da Biblioteca Nacional Española, pero tamén se conta con pezas procedentes doutras institucións e de importantes coleccións particulares. Poden verse desde valiosas pinturas ata a unha extensa colección de manuscritos e estampas, así como obxectos relixiosos, revistas, pezas musicais ou cinematográficas.

Entre outras, destacan as Partidas de Afonso X ou unha Biblia sacra do S.XIII, ambas dos fondos da BNE; a reprodución de instrumentos musicais do Pórtico da Gloria, da Fundación Barrié de la Maza, así como un cadro do Apóstolo Santiago pintado por Bartolomé Esteban Murillo. A mostra inclúe, ademais, achegas contemporáneas como fotografías do Camiño de Santiago do galego Xurxo Lobato ou unha maqueta da Catedral de Santiago do Instituto de Estudos Galegos, entre outras.

A exposición está comisariada polo académico Darío Villanueva, expresidente da Real Academia Española (RAE), catedrático de Teoría da Literatura e Literatura Comparada, da Facultade de Filoloxía da Universidade de Santiago de Compostela, onde foi reitor. Ao labor do comisariado únese un equipo curatorial formado por Carmen Manso, historiadora da Arte e responsable da sección de Cartografía e Artes Gráficas da Real Academia da Historia; Juan Manuel Monterroso, profesor titular de Historia da Arte na USC; Paolo Caucci, presidente do Comité Internacional de Expertos do Camiño de Santiago e profesor da Università di Studio di Perugia, e Xosé Luis Barreiro, escritor e politólogo, expertos que desenvolveron cada unha das seccións expositivas.

Espazo: Sala de Recoletos da Biblioteca Nacional. Madrid

Data: Do 10 de novembro de 2021 ao 6 de febreiro de 2022

Organizan: Biblioteca Nacional de España e Xunta de Galicia

Datas: 7, 8 e 9 de novembro de 2021

Lugar: Palacio de Congresos e Exposicións de Galicia. Santiago de Compostela

Organizan: Trevisani + Viloria + Mr. Turismo

Colaboran: Xunta de Galicia, Deputación da Coruña e Concello de Santiago

MÁIS INFORMACIÓN

Este III Encontro Interrelixioso leva por título Dignidade humana, migracións e fraternidade, inspirado na encíclica Fratelli Tutti da Súa Santidade o papa Francisco, e constará de varias conferencias seguidas de mesas redondas, nas que intervirán quince personalidades relixiosas e do mundo académico, coa conclusión dun acto de oración en común, que terá como marco a igrexa de San Martiño Pinario.

Datas: 22 e 23 de outubro de 2021

Lugar de celebración: Auditorio ABANCA

Dirección: rúa do Preguntoiro, 23. Santiago de Compostela

Concerto de órgano a cargo de Miguel Huertas

22 de outubro ás 21:00 h. Catedral de Santiago de Compostela

Organizan: Catedral de Santiago de Compostela e Xunta de Galicia

Colabora: Abanca Obra Social

FORMULARIO DE INSCRICIÓN

PROGRAMA

Data: 22 de xuño ás 19:00 h.

Lugar: Aula CEMIT. Tui

Organiza: Concello de Tui

Emitido por streaming en www.tui.gal

Espazos:
Salón Noble do Colexio de Fonseca. Santiago de Compostela
Cidade da Cultura de Galicia. Santiago de Compostela
Auditorio Municipal. Padrón

Organiza: Academia Xacobea

PPROGRAMA

A pandemia da Covid-19 ocasionou ao longo de 2020 un forte impacto negativo no movemento de persoas a nivel mundial, co consecuente estrago para o turismo e as peregrinacións.

O Camiño de Santiago viu tamén cómo se reducía o número de peregrinos que transitaron polos itinerarios xacobeos de Europa, en xeral, e de Galicia en particular.

Entre as medidas que tomou a Xunta de Galicia para asegurar a saúde dos peregrinos hai que resaltar as que afectan á rede pública de albergues de peregrinos. Dos 70 albergues só abriron 35, cun terzo da súa capacidade, para asegurar a distancia de seguridade dos usuarios. Do mesmo xeito, os albergues privados abriron ao 50% da súa capacidade, e moitos deles pecharon o servizo de cociña, para evitar contaxios.

Como resultado desta xestión, o Camiño de Santiago en Galicia, nas súas diversas rutas, quedou libre de coronavirus, aínda que os peregrinos chegados no pasado verán -sobre todo os estranxeiros- foron moitos menos que os que viñeron nos mesmos meses de anos anteriores.

Ante o reto de ofrecer aos peregrinos unha Galicia xacobea segura e saudable, farase un webinar dirixido á rede mundial de Asociacións de Amigos do Camiño de Santiago, fundacións e cofradías xacobeas e das comunidades galegas no exterior. Celebrarase o sábado 20 de marzo de 2021, de 12 h a 14 h, en formato táboa redonda, na que se explicarán os protocolos que se siguen para a seguridade dos peregrinos no Camiño, lembrando tamén as medidas de seguridade persoal e social que deben adoptar os peregrinos, e que, ao tempo, poda servir de presentación da programación do Xacobeo 2021.

Inscrición: https://zoom.us/webinar/register/WN_pYbl9ycDRAW0ayDbZxO0CA

A ilustración deste cuño especial, que estará en uso ata o próximo 31 de decembro de 2022, é a parte exterior da Porta Santa, cuxa apertura deu inicio ao Xacobeo o pasado 31 de decembro e que permanecerá aberta ata o 31 de decembro de 2022.

Correos sinala que coa celebración do “Xacobeo especial” de dous anos 2021-2022 poñerá en marcha unha serie de iniciativas vinculadas, entre elas a edición de produtos filatélicos específicos e a mellora do seu servizos de transporte de mochilas de camiñantes. Así, ofrecerá a reserva e pago por internet en nove idiomas e un servizo de trazabilidade co que avisará aos peregrinos da recollida e entrega diaria.

Tamén continuará coa súa campaña ” CaminoSostenible”, en colaboración con Asociacións de Amigos do Camiño e albergues, para promover un percorrido máis sustentable, en liña cos Obxectivos de Desenvolvemento Sustentable ( ODS) das Nacións Unidas.

Fonte: Diario de Pontevedra

Imaxe: Arquidiocese de Santiago de Compostela

Na mostra poderán verse 23 obras nas que a a través das súas pinturas, fotografías ou esculturas estes/as artistas abren os seus mundos reflexionando desde o proceso creativo, que é o seu modo de facer camiño.

Data: do 2 ao 30 de decembro de 2020

Espazo: Biblioteca Pública de Ourense

Organiza: Real Academia Galega de Belas Artes

Colabora: Xacobeo 2021. Consellería de Cultura e Turismo. Xunta de Galicia

Búscanse historias que falen de emocións, afán de superación, hospitalidade, procura interior, compañeirismo, ilusión, respecto e empatía, que falen de valores universais, aqueles que atopas no Camiño e na vida.

Historias que inspiren e inciten a coñecer unha experiencia única, o Camiño de Santiago.

Co obxectivo de aumentar o seu valor e recoñecer o talento o mellor curto do Premio En El Camino estará dotado con 1.000 €.

O prazo de recepción dos curtos comeza o venres 22 de outubro ás 12:00 h e finaliza, como no resto de categorías, o martes 17 de novembro 2020 ás 12:00 h.

Ademais das cortinillas do Festival, os curtos que opten ao Premio no Camiño deberán incluír cortinilla específica do Premio.

BASES

Organiza: Notodofilmfest 2020

Colabora: Xacobeo 2021. Xunta de Galicia

Estas obras, explicou o Goberno, inclúense no marco dun conxunto de actuacións que teñen como obxectivo principal a mellora do Camiño de Santiago ao seu paso por dez municipios das provincias da Coruña e Lugo.

O extinto Ministerio de Fomento convocou no seu día un concurso de proxectos con intervención de xurado para a selección dos dez que completan o conxunto da intervención. Este é o sétimo proxecto que se licita e está previsto que os traballos se inicien a principios de 2021, cun prazo de execución de seis meses.

A actuación ten por obxecto revalorizar a historia e o patrimonio de Palas de Rei, achegando unha “mellora substancial na calidade do espazo público” que contribúa a “dignificar e dotar de valor as edificacións tradicionais do núcleo”.

En concreto, os traballos van dirixidos a prolongar a pavimentación que existe na zona central do núcleo, ata o ensanche do Camiño, estendéndoa polo lateral da igrexa ata exceder o atrio. Atenderase tamén ao enterramento das instalacións urbanas, integrando as arquetas e rexistros nos novos lousados do pavimento, e a dotación de iluminación máis discreta, que evite o impacto visual producido polas luminarias actuais.

Fonte e fotografía : El Progreso