Maru Godás / Róisín Curé
Comisariado e dirección: Gemma Sesar
Durante unha semana de agosto de 2021, a artista catalá Maru Godás e a irlandesa Róisín Curé percorreron o Camiño Inglés desde Ferrol —cunha primeira parada na Coruña— para facer unha peregrinación debuxada. Como resultado xurdiron as ilustracións que se poden ver nesta mostra e mais unha gravación da viaxe que amosa case en directo o que as artistas vivían e debuxaban en cada lugar.
Maru Godás
Ilustradora freelance e cadernista, leva máis de 18 anos traballando non mundo da animación, a tipografía, o deseño web e a fotografía. É unha das debuxantes españolas máis recoñecidas no ambiente dos sketchers. Ten colaborado con Planeta de Agostini, RBA, National Geographic ou La Caixa, e publicado libros ilustrados, como Parque Güell de Barcelona ou o seu último título, Belleza Orgánica, editado por Gustavo Gilli, que xa vai pola terceira edición e ten traducións para italiano e inglés. É membro dos Urban Sketchers e instrutora internacional, o que a levou a impartir talleres de debuxo en California, Porto, Illa Reunión, Clermont-Ferrand… Ademais, foi unha das primeiras ilustradoras de cadernos en entrar no exclusivo club de debuxo de Domestika, onde o seu curso de gouache en só dous meses conseguiu atraer 4.000 alumnos. Neste momento está a preparar un terceiro curso que se impartirá a finais de 2022
Róisín Curé
Descubriu o debuxo urbano en 2012 e, desde entón, un bulebule de cores e liñas estendeuse pola súa vida. A ilustración de viaxes é a súa profesión e a súa identidade. Impartiu clases de debuxo en distintos países e publicou oito libros das súas viaxes polo mundo, entre eles An Urban Sketcher’s Galway, tamén escrito por ela. Para o último, Dublin in Sketches and Stories, percorreu durante un ano a cidade de Dublín cun caderno nas mans, anotando e debuxando todo aquilo que lle parecía atractivo para facer unha guía diferente dunha cidade tan coñecida. É membro do colectivo Urban Sketchers e, desde o ano 2013, imparte workshops en moitas das súas citas internacionais.
Data: Do 4 ao 13 de outubro de 2022
Lugar: Long Gallery-Newcastle University- REINO UNIDO
Organiza: Turismo de Galicia