hospitalidade

5º Encontro Internacional de Peregrinos en Uclés

Xacobeo_jcr — Thu, 04 May 2017 06:26:16 +0000

Lugar: Mosteiro de Santiago Apóstolo. Uclés (Cuenca)

Datas: 12, 13 e 14 de maio de 2017

Organiza: Asociación Amigos del Camino de Uclés

Acollida e Hospitalidade no Camiño de Santiago. Fotografías de Manuel G. Vicente

Xacobeo_jcr — Thu, 02 Mar 2017 08:14:10 +0000

O exercicio da hospitalidade, a acollida ao peregrino, é un valor considerado dende hai séculos coma a pedra angular do Camiño de Santiago. Unha forma de espiritualidade poeticamente recollida nas fotografías que Manuel G. Vicente tomou ao longo do Camiño durante as últimas décadas, na ruta e nos seus albergues. Esta entrañable acollida fúndese coa vivencia do encontro, a solidariedade, a amizade e mais a comprensión mutua. A todo iso hai que engadir os valores paisaxísticos, a historia compartida e a cultura.

Espazo: Palacio Villalegre
Dirección: calle de Santa María del Buen Suceso. Guadix (Granada)

Datas: do 3 ao 30 de marzo de 2017
Horario da exposición: de luns a venres, de 09:00 a 14:00 e de 16:30 a 20:00 h

Organiza: S.A. de Xestión do Plan Xacobeo. Turismo de Galicia. Xunta de Galicia
Colaboran: Ayuntamiento de Guadix e Asociación Jacobea de Almería Camino Mozárabe.

+info

Presentada en Monforte de Lemos a primeira guía en inglés do Camiño de Inverno

Xacobeo_jcr — Wed, 01 Mar 2017 12:18:16 +0000

O Centro do Viño da Ribeira Sacra de Monforte de Lemos acolleu a presentación da primeira guía en inglés do Camiño de Inverno, que desde o ano pasado goza do recoñecemento oficial de ruta principal dos Camiños de Santiago en Galicia. O libro, que contou co patrocinio do Xacobeo para a súa edición, vén de publicarse co título de A detailed guide: The Winter Route to Santiago e a súa autora é Aida Menéndez Lorenzo, presidenta da Asociación Camiños a Santiago pola Ribeira Sacra.

A nova publicación é unha versión íntegra doutra guía editada en castelán que se presentou en 2014. A obra ten unhas duascentas páxinas e ofrece unha descrición polo miúdo de todas as etapas da ruta desde Ponferrada ata Santiago, así como dos elementos do patrimonio histórico situado ao longo do itinerario.

+info

O Centro de Interpretación do Camiño do Norte inaugura unha nova sede, o Centro Cultural Alcántara de Mondoñedo

Xacobeo_jcr — Mon, 12 Dec 2016 08:14:50 +0000

A nova ubicación achega este importante equipamento e facilita o acceso a súa información aos seus principais destinatarios, os peregrinos, ao estar situado fisicamente no propio trazado do Camiño do Norte, xunto ao albergue de peregrinos.

O Camiño do Norte ten cada vez mais adeptos seguindo unha forte progresión ascendente no seu número de peregrinos acollendo no que vai de ano un total de 17.200 peregrinos, o que supón un incremento de máis do 9% en relación ao mesmo período do ano anterior e consolidándose, así, como a terceira Ruta Xacobea máis transitada, só por detrás do Camiño Francés e Portugués.

Xunto a este Centro de Interpretación do Camiño do Norte en Mondoñedo, que no que vai de ano recibiu un total de 4.297 visitas, o Xacobeo dispón na actualidade doutro Centro de Interpretación no Camiño Primitivo, ubicado en Lugo, e dous puntos de información no Cebreiro e no Centro Internacional de Acollida aos Peregrinos situado na rúa Carretas de Santiago de Compostela.

IV Congreso Internacional Acollida Cristiá e Nova Evanxelización no Camiño de Santiago

Xacobeo_jcr — Tue, 04 Oct 2016 12:34:45 +0000

Encontro convivencia de Voluntarios e Hospitaleiros no Camiño de Santiago Datas: 27, 28, 29 e 30 de outubro de 2016 Lugar: Aula Magna do Instituto Teolóxico Compostelán San Martiño Pinario Praza da Inmaculada, nº 5. Santiago de Compostela Secretaría do Congreso: congreso@acogidacristianaenelcamino.es Tel.: 981 568 846 Oficina de Acollida ao Peregrino Rúa Carretas, 33. Santiago ... Ler máis